News paparazzi: Тогтоол усанд 8-12 насны 4 хүүхэд унаж нас баржээ

Баянзүрх дүүргийн 11-р хорооны нутаг дэвсгэрт байрлах Маршалын гүүрний зүүн хойно, Үндэсний цэцэрлэгт хүрээлэнгийн урд орших усан халианд өнөөдөр 17:00 цагийн үед 8-12 насны дөрвөн хүүхэд живж нас баржээ.  Тус газрыг  нийслэлийн Засаг даргын Тамгын газраас үйл ажиллагааг нь зогсоож, ажлын хэсэг байгуулан шалгалт явуулж байсан аж. 

Зарим эх сурвалжийн мэдээлснээр Нийслэлийн онцгой байдлын албаны аврах баг эхний хүүхдийг уснаас гарган авч, шаардлагатай тусламж үзүүлсэн ч эндсэн байна. Дөрвөн хүүхдийн цогцсыг уснаас гаргаж авсан ба яг одоо цагдаагийн байгууллага ослын газарт ажиллаж байгаа аж. 

Харин цагдаагийн байгууллагаас тодруулахад "Баянзүрх дүүргийн нутаг дэвсгэрт 3 хүүхэд тогтоол усанд живж нас барсан хэргийг шалгаж, ажиллаж байна"гэлээ.