News paparazzi: “Боломж хулгайлагч”-аар дүүрэн БЗД-ийн 22-р тойрог

СОНГУУЛЬ-2020

Боломж хулгайлагч хэмээн цоллуулаад авсан АН-ын даргын зөвлөх З.Энхболд тэргүүтэй БЗД-ийн 22-р тойргийг онцолж байна. НИТХ-ын төлөөлөгч М.Тулгатын нэр дэвшихээр горилж байсан БЗД-ийн 22-р тойрогт түүний оронд З.Энхболдлыг нэр дэвшүүлэхээр АН шийдвэрлэсэн. Үүнд М.Тулгат сэтгэл дундуур яваагаа илэрхийлж З.Энхболдыг “Боломж хулгайлагч” хэмээн цоллоод амжсан юм.

Энэ тойрогт улс төрийн боломж хулгайлагчаас гадна иргэдийн боломжийг хулгайлсан ЖДҮ-чин гишүүн ч нэр дэвших юм. ЖДҮХС-аас иргэд, аж ахуй нэгжийг зээл авахад нь ямар нэгэн байдлаар нөлөөлсөн байж болзошгүй гэж үзэн Нийслэлийн прокурорын газар, АТГ-аас шалгагдсан УИХ-ын гишүүдийн нэрс дунд УИХ-ын гишүүн Б.Саранчимэгийн нэр багтана. Угтаа намын дарга нь “ЖДҮ, 60 тэрбум”-д холбогдсон гишүүдэд мандат өгөхгүй хэмээн мэдэгдэж байсан ч  ЖДҮ-д холбогдсон 49 гишүүний дийлэнх нь энэ удаагийн УИХ-ын сонгуульд өрсөлдөх аж.

Уг тойрогт З.Энхболдтой өрсөлдөнө хэмээн хэдэн жилийн турш ярьж ирсэн эдийн засагч Л.Наранбаатараас гадна ХЗДХ-ийн дэд сайд асан Б.Энхбаяр болон хуульч М.Ичинноров нар энэ тойрогт өрсөлдөнө.