News paparazzi: СЕХ-НЫ ГИШҮҮНЭЭР ЦЕГ-ЫН ДАРГА С.БААТАРЖАВЫГ ТОМИЛЛОО

Улсын Их Хурлын 2020 оны хаврын ээлжит чуулганы өнөөдрийн /2020.04.30/ нэгдсэн хуралдаанаар Сонгуулийн ерөнхий хорооны орон тооны бус гишүүдийг томилж, чөлөөлөх тухай асуудлыг хэлэлцэж Сонгуулийн ерөнхий хорооны орон тооны бус гишүүн Р.Содхүү, Ө.Энхтөр нарыг хүсэлтийнх нь дагуу чөлөөлж, С.Баатаржав, Б.Баасандорж нарыг Сонгуулийн ерөнхий хорооны орон тооны бус гишүүнээр томилуулахаар нэр дэвшүүлж, хуралдаанд оролцсон гишүүдийн олонх дэмжсэнээр С.Баатаржав, Б.Баасандоржийг нарыг  томиллоо.

Нэр дэвшигч Сайннямбуугийн Баатаржав нь 1967 онд Улаанбаатар хотод төрсөн, бригадын генерал цолтой. Төрийн албанд 30 дахь жилдээ ажиллаж байгаа бөгөөд 1990 онд Нийгмийн аюулаас хамгаалах яамны Цагдан сэргийлэхийн дээд сургуулийг хуульч мэргэжлээр, 2004 онд Оросын холбооны Улсын Дотоод явдлын яамны Удирдлагын академийг удирдлагын хөтөлбөр, 2009 онд Монголын үндэсний дээд сургуулийг хууль зүйн магистр зэрэгтэйгээр тус тус төгссөн байна.