News paparazzi: Монгол бөхөнгийн тоо толгой 5000 давж өсчээ

Тоо толгой нь өнгөрсөн 2018 онд 40 орчим хувиар буурч 3800 орчим болоод байсан монгол бөхөн  5000 давж өсөөд байгаа талаар Дэлхийн байгаль хамгаалах сангаас  өнгөрсөн нэгдүгээр сард явуулсан тооллогодоо үндэслэн мэдцээлжээ.Түүнчлэн тус сангаас зун нь ган, өвөл нь зуд болсонтой холбоотойгоор 2001 онд бөхөн гөрөөсний тоо толгой цөөрч ердөө 750  орчим болж байсан талаар онцолсон байна.

Хэдийгээр тоо толгой нь огцом буураад байсан ч  Дэлхийн байгаль хамгаалах сан болон Монголын Засгийн газрын хамтын ажиллагааны хүчин чармайлтын үр  дүнд тоо толгой нь 2014 онд 14 мянга болж өсөж байв. Гэсэн ч ямаан тахал хэмээх мялзан төст өвчин дэгдсэнээр 2017 онд бөхөн гөрөөсний тоо толгой 5000 болж буурсан байдаг. Энэ амьтны тоо толгой буурахад хулгайн ан ч мөн нөлөөлж байгааг 

Дэлхийн байгаль хамгаалах сангаас онцолж байна. Дэлхийд ховордсон бөхөн гөрөөсийг устаж үгүй болохоос урьдчилан сэргийлж, хамгаалахын тулд энэ амьтны амьд үлдэх чадавхийн талаар нарийвчилсан судалгаа хийх хэрэгтэй  гэж Дэлхийн байгаль хамгаалах сангийн мэргэжилтнүүд үзэж байна.