​Отгонтэнгэр хайрханы орчимд олгосон гурван лицензийг цуцлав

Ерөнхий сайд У.Хүрэлсүхийн үүрэг даалгаврын дагуу Отгонтэнгэр хайрханы орчимд олгосон гурван лицензийг цуцлах шийдвэрийг Ашигт малтмалын газрын Кадастрын хэлтсийн дарга гаргажээ. 
Тодруулбал, Завхан аймгийн Отгон суманд анх 2002 онд олгогдсон байсан лицензүүдийг хуульд нийцүүлж цуцлав. Хайглууын 2 тусгай зөвшөөрөл, ашиглалтын 1 тусгай зөвшөөрөл гээд нийт 3 ширхэг тусгай зөвшөөрлийг Ерөнхий сайдын чиглэлийн дагуу Ашигт малтмалын тухай хуулийн 56.1.5, Захиргааны ерөнхий хуулийн 4.2.1, 4.2.5, 28.1.1, 29.1.2 заалтуудыг үндэслэн цуцалсан болно.