Залуу жүжигчин Г.Ананд согтуугаар жолоо барьж хүний аминд хүрчээ

Хан-Уул дүүргийн 15 дугаар хороо Их Монголын гудамжинд өнгөрсөн пүрэв гарагт 05:30 цаг орчимд “Mercedes Benz G-500” маркийн автомашин “Toyota Premio” маркийн автомашинтай мөргөлдөж ослын улмаас нэг хүн нас барсан ноцтой зам тээврийн осол хэрэг бүртгэгджээ.

Осол гаргасан “Mercedes Benz” маркийн автомашиныг жолоодож явсан А гэх хүн нь залуу жүжигчин Г.Ананд байсан тухай мэдээлж эхэллээ. Тэрбээр осол хийх үедээ согтууруулах ундааны зүйл хэрэглэсэн байсан гэх мэдээлэл байна. Жүжигчин Г.Анандын хувьд “Single ladies-3” кинонд тоглосноор үзэгчид андахгүй сайн мэднэ.