Оргосон гэх С.Төмөрбат шүүгчийг АНУ-д саатуулжээ

Монгол Улсын Ерөнхийлөгч Х.Баттулга 2019 оны зургаадугаар сарын 26-нд нэр бүхий 17 шүүгчийн бүрэн эрхийг түдгэлзүүлэх зарлиг гаргасан юм. Бүрэн эрх нь түдгэлзсэн 17 шүүгчийн нэг болох Нийслэлийн захиргааны хэргийн шүүгч С.Төмөрбатыг АТГ-аас салхитын мөнгөний ордын хэрэгтэй холбогдуулж шалгаж эхэлсэн. Ерөнхийлөгчийн зарлиг гарсны орой нь буюу зургаадугаар сарын 26-нд С.Төмөрбат нь Сэлэнгэ аймаг дахь Алтанбулаг боомтоор ОХУ-аар дамжин АНУ-руу гэр бүлийн хамт оргон зайлсан юм. Тухайн үед хэвлэл мэдээллийн хэрэгслээр түүнийг их хэмжээний ам.доллартай саатуулагдсан гэх мэдээлэлүүд цацагдаж байв. Тэгвэл баттай эх сурвалжийн мэдээлж байгаагаар АТГ-аас АНУ-ын хуулийн байгууллагаруу албан ёсоор хандснаар түүнийг саяхан саатуулжээ. АНУ-д саатуулагдсан шүүгч С.Төмөрбатыг АТГ-аас тун удахгүй Монголд авч ирэхээр болсон байна. Салхитын мөнгөний ордын хэрэгт нэр бүхий зургаан шүүгч шалгагдаж байгаагийн хоёр нь ийнхүү хилийн цаана байгаа юм.

Zarig.mn