Консул гэх алба хамаатны хэн нэг эрх мэдэлтний хамаатны алба болохыг Ч.Хүрэлбаатар, Д.Оюунхорол нар баталлаа

Ер нь ГХЯ-ны ажилчид болон консулууд  эрх мэдэлтэнгүүдийн хамаатан, садангуудаар дүүрсэн гэдгийг олон нийтээр шүүмжилдэг. Тэгвэл сая Засгийн газрын хаалттай хуралдаанаар Тува, Хонконг дахь Ерөнхий консулыг томиллоо.

Монгол Улсаас Бүгд найрамдах Тува улсад суух ерөнхий консулаар Сангийн сайд Ч.Хүрэлбаатар төрсөн ах Чимэдийн Ганболдыг томилуулжээ. Мөн УИХ-ын гишүүн Д.Оюунхорол өөрийн нөхөр Г.Жаргалсайханыг Монгол Улсаас Хонконгод суух Ерөнхий консулаар  томилуулаад байна.

Ч.Ганболд нь Хөдөлмөр халамж үйлчилгээний газрын Хяналт мониторингийн даргаар ажиллаж байсан. Харин Г.Жаргалсайхан Ж.Эрдэнэбатын Засгийн газрын үед Үндэсний хөгжлийн газрын Хөрөнгө оруулалтын нэгдсэн бодлогын газрын дарга, түүнээс өмнө Гадаад харилцааны яамны гадаад худалдаа, эдийн засгийн хамтын ажиллагааны газрын даргаар ажиллаж байжээ. Үүний цаана мөн нэгэн тохироо, наймаа байж болзошгүй хэмээн хардах хүмүүс цөөнгүй байна.