Ц.Нямдоржийг сэтгүүлчдийг нууцын зэрэглэлтэйгээр тагнаж, чагнуулсан гэв

Өчигдөр  Монголын Хэвлэл Мэдээллийн Зөвлөлөөс гурав дахь жилдээ “Сэтгүүл зүйн Ёс зүйн Форум”-ыг “Хэвлэлийн эрх чөлөө- Дижитал хувьсал ” сэдвийн дор зохион байгуулсан.

Уг форумын үеэр УИХ-ын гишүүн Х.Нямбаатар маш ноцтой нэгэн мэдээллийг өгсөн юм. Тэрбээр “Нэр бүхий найман сэтгүүлчийг цагдаагийн байгууллагаас нууцаар тагнаж, чагнасан асуудал гарсан байна. Би Хууль зүйн байнгын хорооны даргын хувьд сэтгүүлчдийг шалгасан эсэх асуудлаар дэлгэрэнгүй мэдээлэл өгөхийг Тагнуулын ерөнхий газарт албан бичгээр хандсан. Өнгөрсөн долоо хоногт уг бичгийн хариу ирж, нууцын зэрэглэлтэйгээр шалгаж байгаа гэсэн хариу ирүүлсэн. Хэрэв сэтгүүлч, хэвлэл мэдээллийн байгууллагыг нууцаар шалгаж эхэлсэн бол энэ маш ноцтой асуудал” хэмээжээ.