"ХАРАНГА" ХАМТЛАГИЙН БӨМБӨРЧИН Н.ПҮРЭВДАШД МУГЖ, ГИТАРЧИН Я.ОДСҮРЭНД УГЗ ЦОЛ ОЛГОЛОО

Тулгар төрийн 2228 жил, Их Монгол Улс байгуулагдсаны 813 жил, Үндэсний эрх чөлөө, тусгаар тогтнолоо сэргээн мандуулсны 108 жил, Ардын хувьсгалын 98 жил, Ардчилсан хувьсгалын 30 жил, Улаанбаатар хот үүсэн байгуулагдсаны түүхт 380 жилийн ойг тохиолдуулан Монгол Улсын Ерөнхийлөгч Х.Баттулга зарлиг гаргаж Төрийн дээд цол, одон медаль гардууллаа.

Ерөнхийлөгчийн зарлигаар Монголын мэргэжлийн рок хөгжмийн загалмайлсан эцэг гэгдэх “Харанга” хамтлагийн бөмбөрчин Н.Пүрэвдашд МУГЖ, гитарчин Я.Одсүрэнд УГЗ цол хүртээлээ. Ингэснээр “Харанга” хамтлагийнхан бүгд гавьяат цол хүртэж байгаа бөгөөд урлагийн салбарт хамтлагаараа гавьяат болж байгаа анхны тохиолдол юм. Бөмбөрчин Н.Пүрэвдаш, гитарчин Я. Одсүрэн нар урлагийн салбарт 40 гаруй жил, хамтлагаа байгуулалцаад 30 жил болж Монголын урлагийн салбарт үнэтэй хувь нэмэр оруулж байгаа эрхмүүд юм.