Х.Цагаанбаатар “Гурван сая инээд”-ээс хожсон мөнгөө сэтгүүлч Ж.Жаргалсайхны эмчилгээний зардалд хандивлажээ

Монгол Улсын Гавьяат Тамирчин, Хөдөлмөрийн Баатар Хашбаатарын Цагаанбаатар "3 сая инээд" шоу нэвтрүүлэгт амжилттай оролцож, хожлын мөнгөө нэг дэвжээнд хамтдаа бэлтгэл сургуулилт хийж, зааж сургаж явсан дүүгийнхээ эхнэр болох сэтгүүлч Ж.Жаргалсайханы эмчилгээний зардалд хандивлалаа. Түүний санаачлагыг “Гурван сая инээд” шоуны хөтлөгч Г.Анхбаяр, шүүгч М.Баярмагнай, Д.Баттөмөр нар дэмжин, тус бүр нэг зуун мянган төгрөг өглөө.

Хүнд шатны бөөрний түүдгэнцрийн үрэвслээс болж бөөрний архаг дутагдалд ороод байгаа сэтгүүлч Ж.Жаргалсайхан өнөөдрийн байдлаар БНСУ-д эмчлүүлэхээр шинжилгээнүүдээ өгч эхлээд байна. Өндөр зардал бүхий олон үе шаттай, урт удаан хугацааны эмчилгээ шаардлагатай байгаа түүнд итгэл найдвар бэлэглэж, “Жаргалын мод” аян, #10найз_100000_аз_жаргалын_цэцэг давлагаанд нэгдэхийг уриалж байна. Хандивын дансууд нь гадаад улс орнуудад үйлчлүүлэх эрх бүхий олон улсын VISA, UNIONPAY картуудтай учир түүнд тусалъя гэсэн сайхан сэтгэлт хэн ч, хэзээ ч өгөөмөр гараа сунгаж болох юм шүү! Хандивын данс: Хаан банк 5076114356, Төрийн банк 105700275109 Хүлээн авагч: Жаргалсайхан Жарантай