Японы иргэн Хакухо цаашид хоёр орны төлөө зүтгэх болно гэжээ
Сүмогийн түүхэнд үлдэх, дахин давтагдашгүй олон рекорд амжилт тогтоосон их аварга Хакүхо энэ сарын 3-нд Японы иргэн боллоо. Ингэснээр манай бөх зодог тайлаад Сүмогийн холбоонд үлдэн ажиллаж, өөрийн нэрээр дэвжээ нээх эрхтэй болж байгаа юм.
Хакүхо Японы иргэншил авахдаа Хакүхо Шёо нэр авсан. Тэрээр сэтгүүлчдэд мэдээлэл өгөхдөө “Өнөөдөр Японы иргэншил авлаа. 18 жил сүмо барилдлаа. Цаашдаа Монгол, Япон хоёр орны төлөө, сүмо бөхийн төлөө хичээн зүтгэнэ. Өдийг хүртэл зөвхөн өөрийнхөө барилдаанд л анхаарал хандуулж байсан бол цаашдаа бусдын төлөө ажилладаг болно. Хүчтэй сайн бөх гаргах нь сүмогийн ертөнцийн ачийг нь хариулж байгаа хэрэг юм” гэж ярилаа.
Шибатаяма ояката “Хакүхо Японы иргэншил авсан нь сүмогийн ертөнцөд үлдэж, ояката болох гэсэн зорилготой гэж ойлгож байгаа. Ийм туршлагатай хүн холбоонд үлдэх нь сайн хэрэг. Энэ том их аварга дэвжээ удирдвал олон сайн төрүүлэх нь гарцаагүй. Бусдын үлгэр дуурайл болсон ояката болох хэрэгтэй. Харин үг хэл, үйлдэлдээ анхаарах шаардлагатай” гэжээ
Оросын томоохон 10 үйлдвэрийг дахин онилж цохилт өгчээ
Зэвсэгт хүчний бүх цэргийн ангиудад эрсдэлийн үнэлгээний иж бүрэн шалгалтыг хийнэ
УИХ-ын дарга С.Бямбацогт Япон Улсын Парламентын Зөвлөхүүдийн танхимын дэд дарга Т.Фүкүямаг хүлээн авч уулзав
“Хотын дарга сонсож байна” 150150 тусгай дугаарт 1634 иргэнээс санал, хүсэлт, гомдол иржээ
Уулын жалга руу машин унаж, 16-18 насны гурван иргэн нас баржээ
Хар зүрх уулын тэнгэрийг тайх төрийн ёслол болно
Б.Пүрэвдагва: Улаанбаатар хот ногоон эдийн засагт суурилсан хөрөнгө оруулалтад гүүр болно