“YOUNG OG”

Монголын орчин үеийн хөгжим тэр дундаа ХИП ХОП урсгал, чиглэлээр бүтээл туурвидаг хамтлаг, бүлэглэлүүд, уран бүтээлчид олон нийтэд хамгийн эрэлттэй болсон билээ. Энэ дундаас аль хэдийн хүлээн зөвшөөрөгдөж, гол төлөөлөгчдийн нэг бол рэппэр, продюсер DESANT юм. 2005 оноос анх сонсогчдод дуугаа хүргэж эхэлснээс хойш энэ 9 сарын 6нд өөрийн анхны бие даасан бүрэн хэмжээний тоглолтыг “YOUNG OG UNDERGROUND” нэртэйгээр хийхэд бэлэн болжээ. Уг тоглолт нь энэ намрын хамгийн эрэлттэй тоглолтоор зүй ёсоор нэрлэгдэж байгаа бөгөөд, бүх цаг үед хамтран ажиллаж байсан, түүний зохион байгуулсан бүх төсөлд хамрагдсан хуучны болон шинэ залуу уран бүтээлчид оролцохоос гадна энэ тоглолтоо DESANT өөрөө найруулан сонсогчиддоо хүргэх юм байна.