Х.Баттулга үгэндээ Н.Номтойбаярыг талийгаачийн үхэлд буруутгав уу

Монгол улсын ерөнхийлөгч Х.Баттулга УИХ-ын хурлын үеэр УИХ-ыг сайн дураараа тарахыг уриалж үг хэлсэн юм. Түүний хэлсэн үгнээс "Албан тасалгаандаа архи согтууруулах ундаа хадгалж, хэрэглэснээр хүний амь ч үрэгдлээ. Татварын хуулиар хүний эрхийг зөрчлөө. Улсын хөгжил дэвшлийн үндэс нь төр. Төрийн албан хаагчид ёс зүйг сахиж ирсэн. Өнөөдөр УИХ нь ард олныг сайн сайханд манлайлах чадамжгүй байна. УИХ маань гэмтнүүдийн чуулга болсныг ард түмэнд ил тодоор шүүмжлэн хэлэлцэх болжээ. УИХ-ыг өөрөө тарах шийдвэр гаргахыг та бүхнээс уриалж байна" гэсэн энэ өгүүлбэр олны сонирхолыг ихэд татлаа. Албан тасалгаандаа архи, согтууруулах ундаа хадгалж, хэрэглэснээр хүний амь үрэгдлээ гэх энэ үгний цаад эзэн нь Н.Номтойбаяр гэж харах хүмүүс цөөнгүй байна.  Учир нь талийгаач Г.Батхүү хамгийн сүүлд Н.Номтойбаяртай уулзаж, архи уусан гэх мэдээлэл тархаад буй.