Донгодуулсан Д.Дамба-Очир бухимдалтай байна

УИХ-ын гишүүн Д.Дамба-Очирыг Эдийн засгийн байнгын хорооны даргаар ажиллаж байхдаа Оюутолгойд шалгалт хийсэн ажлын хэсгийн дүгнэлтийг Байнгын хорооны хуралдаанаараа хэлэлцүүлэхээс өмнө Оюутолгой компанид хүргүүлсэн хэмээн буруутгаж, Хяналтын хорооноос түүнд таван жилийн турш МАН-аас улс төрийн дэмжлэг үзүүлэхгүй байх шийдвэр гаргажээ. Тэгвэл энэ талаар Г.Дамба-Очироос тодруулахад ихэд бухимдангуйгээр “Энэ нам хайшаа юм. Коммунист нам болсон юм уу. Энэ одоо юу гэсэн үг юм бэ? УИХ-ын хийж байгаа ажилд оролцдог болсон юм уу, Хяналтын хорооны дарга нь дуудаж аваачаад намаасаа хөөдөг болсон юм уу, Нэртэйгээр нь намаас нь, УИХ гишүүнээс нь хөөчих хэрэгтэй. Ингээд сайхан явцгаая, Тойргийг минь булааж авах гэж байгаа, тэрийгээ авцгаа” хэмээлээ.