Сургууль дотор, сурагчдынхаа дэргэд вино ууж, баяр тэмдэглэсэн багш нарыг ажлаас нь халжээ

Өчигдөр сургууль дотроо, сурагчдынхаа дэргэд ширээ засаж, вино тавьсан  зургаа нийтэлсэн багш нарын зураг сошиалаар багагүй шүүмжлэлд өртсөн юм. Тодруулбал тэд  СХД-ын 105-р сургуулийн багш нар бөгөөд сурагчдынхаа дэргэд нэгэн багшийнхаа төрсөн өдөр тэмдэглэж байгаа нь тэр аж.. Төрийн байгууллагын ажилчдыг ажлын байрандаа согтуу ирэх, архи уувал ажлаас нь шууд чөлөөлнө хэмээн Ерөнхий сайд У.Хүрэлсүх төрийн албан хаагчдын уулзалтанд дээр хатуу сануулж байсан билээ. Гэтэл соён гэгээрүүлэх үүрэгтэй  багш нар ийнхүү ёс зүйгүй аашилсан нь тэр дороо холбогдох байгууллагын ажилчдын чихэнд хүрч тус багш нарыг ажлаас нь халсан тухай албан бус эх сурвалж мэдээллээ.