Бусдын зовлонгоор “амбийцалсан” дарга

Хаврын хуурайшилт ихтэй энэ цаг үед гал түймэр гарах эрсдэл өндөр байна. Хот, хөдөөгүй түймрийн аюул дэгдэж, иргэдийг болгоомжтой байхыг зохих албанынхан анхааруулсаар байгаа юм.  Өнгөрсөн амралтын өдрүүдэд нийслэлийн ногоон бүсэд хэд хэдэн түймэр гарч, багагүй хэмжээний гарз хохирол дагуулсан. Годойн ам, Шадивланд гарсан түймрийн улмаас 20 гаруй айлын байшин шатаж, байгаль орчинд ч ихээхэн гарз хохирол үүссэн. Харин түймрийн энэ голомтод нийслэлийн шинэхэн дарга сельфидэж, албан тушаалаа хүрээллийнхэндээ  "тунхаглажээ". Нийслэлийн Агаар орчны бохирдлын асуудал хариуцсан төслүүдийн удирдагчийн ажлаа саяхан авсан Д.Мөнхжаргал дүрэлзэн шатаж буй байшингийн өмнө өөрийн зургаа авч, шинэхэн албан тушаалаа гайхуулжээ. Түүнд бусдын зовлонд унах, эд хөрөнгө шатах чухал биш албан тушаалаа зарлаж, бусдад амбийцлах нь илүү чухал бололтой.