Монголын баялгийг ХУЛГАЙЛЖ хил давуулсан Хятадын “Дун Юань ” компанид хариуцлага тооцохыг шаардаж байна

Өмнөговь аймагт холимог металл олборлогч БНХАУ-ын “Дун Юань” компани Монгол улсын хууль зөрчин,ямар ч зөвшөөрөлгүйгээр үйл ажиллагаа явуулсан нь тогтоогдлоо. Хариуцлага тооцохгүйг бодоход Монголын төр Хятад компаний халаасанд орчихоогүй байлтай!! Тэнэг хүн ч ойлгохоор тайлбарлаж, бүр нэвтрүүлэг хүртэл хийж цацлаа. Илт луйварт хариуцлага тооцохгүй бол эх орны чинь баялаг ямар ч хяналтгүй хулгайгаар хил давсаар байна. Энэ талаар сэтгүүлч Б.Отгон нийтэлж олон нийтэд хүргэсэн байдаг. Харамсалтай нь одоог хүртэл Хятадын “Дун Юань ” компанид хариуцлага тооцоогүй байсаар байгаа аж. Энэ талаао сэтгүүлч Б.Отгон уг компанийн дараах хууль бус үйлдэлүүдийг цахим хуудаснаа ийн нийтэлжээ. 

1. Ямар ч зөвшөөрөлгүй, хулгайгаар ажиллаж 2014-2017 оны хооронд 3 удаа хилээр 1100 тн баяжмал экспортолсон

2. Алтны нөөц огт тогоолгоогүй мөртлөө алт олборлож, экспортолсон

3. Химийн хорт болон аюултай 82 тн бодисыг тусгай зөвшөөрөлгүй Улаанбаатараас Өмнөговь аймгийн Номгон сум хүртэл тээвэрлэсэн

4. Химийн аюултай бодисыг технологи зөрчин баяжуулалтад хэрэглэснээс байгаль орчинд асар их хэмжээний хохирол учруулсан / 
Хаягдлын далан сэтэрснээс Янгир, Шувуу, Тэмээ үхсэн/

5. Татварын албанд хуурамч тайлан гаргаж өгсөн. 2012-2013 онд баяжмал гаргасан мөртлөө Татварын албанд Х тайлан өгсөн

6. Багийн иргэдийн нийтийн хурлын тогтоолыг хуурамчаар үйлдүүлсэн. “Дэрсэнэ ус” багийн ИНХ-ын дарга А.Оюунтүлхүүр нь багийн иргэд “Дун Юань” –ыг ажиллуулахыг дэмжлээ гэж хуурамч тогтоол бичсэн нь шүүхээр тогтоогдсон

7. Шударгаар албан үүргээ гүйцэтгэсэн төрийн албаны хаагчдыг хэлмэгдүүлж заримыг нь ажилгүй болгосон

8. Аймгийн эрх мэдэлтнүүдийг хахуульдаж, компанийхаа талд шийдвэр гаргуулж байсан гэж би хардаж байна Тухайлбал: Аймгийн Мэргэжлийн хяналтын газрын дарга Б.Мөнхтулга гэгч “Дун Юань” компаний лацыг авсан байцаагч нь ахлах байцаагчийн даалгавраар очиж авсан гэдгээ хэлсээр байтал “Лац аваагүй” гэж улаан цагаан худал ярьсан. Аймгийн цагдаагийнхан эрүү үүсгэсэн хэргээ өөрсдийн хүсэлтээр прокурор дээр хэрэгсэхгүй болгуулсан

9. Төрийн хариуцлагатай албан хаагч Хятадын компанийг өмгөөлж, худал ярих нь байх ёстой зүйл үү ??? /Итгэхгүй бол надаас худал ярьж буй бичлэгийг нь аваарай /

10. ЦЕГ-аас наад хэрэг чинь шүүхээр тогтоогдсон гээд цаас шиджээ. Гэтэл ийм илт хууль бус зүйл хийсэн компани байгаль орчины хохиролд 133 сая төгрөг төлөөд Хятад захирал нь 15 сая төгрөгөөр торгоод л болоо юу!!!

11. Хуулиа барь!! Ашигт малтмалын тухай хуулийн 56,1,10-д “Тусгай зөвшөөрөл эзэмшигч нь холбогдох татварыг тайлагнаагүй, эсхүл үнэлгээ тооцоход шаардагдах мэдээллийг санаатайгаар нуун дарагдуулсан, худал мэдүүлсэн бол ТУСГАЙ ЗӨВШӨӨРЛИЙГ ЦУЦАЛНА” гэж цагаан дээр хараар бичжээ.

Цагдаагийн Ерөнхий газрын дарга Б.Баатаржав, Мэргэжлийн хяналтын Ерөнхий газрын дарга Н.Цагаанхүү, Ашигт малтмал, газрын тосны газрын дарга Х.Хэрлэн нар илт хууль зөрчсөн энэ үйлдэлд ямар хариуцлага тооцохыг харья!!! Үгүй бол "60 тэрбум"-ыг босгох гэж Өмнөговь аймгийн Цагдаа, Мэргэжлийн хяналтын газрын дарга нарыг мөнгөөр томилсон гэх Өмнөговьчуудын яриа үнэн гэж итгэе!!!
Албан тушаал гэдэг ганц эрх мэдэл биш. Үүрэг хариуцлага юм. Илт хууль зөрчсөн бүх баримтыг нь ил болгоод өглөө. Одоо та нар ажлаа хий!!!

Сэтгүүлч Б.Отгон 2019.04.01