Д.Дорлигжавыг бизнесмэнүүдээс 120 тэрбум төгрөг авсан гэв

Сошиал орчин буюу олон нийтийн мэдээллийн нэгэн эх сурвалж болох твиттэр хуудаснаа Хууль зүйн сайд, УЕП асан Д.Дорлигжавтай холбоотой ийм үнэн, худал нь үл мэдэгдэх нэгэн мэдээлэл тархаж байна. Тухайлбал “Ардын жиргээч” гэх хаяг бүхий твиттэр хэрэглэгч Алтан Дорнод монгол ХХК-ын захирлыг дарамтлан 9 сая доллар авсан гэх хэрэгт шалгагдаж буй Д.Дорлигжавыг УИХ-ын гишүүн Д.Дэлгэрсайханаас 8 сая доллар, Моннис группын захирал Чулуунбаатараас 5 сая доллар, Ажнай группээс 10 сая доллар, Дорноговийн Сүрэнгийн хүү Монхоо гэгчийг 7 хоног шоронд суулгаад 10 сая доллар авсан. Энэ мөнгөн дээр Т.Ганболдын 9 сая долларыг нэмэх юм бол 42 сая доллар буюу монгол мөнгөөр 120 тэрбум төгрөг болно хэмээн дурдагдсан байна.

Цагаан сарын өмнөхөн батлан даалтаар суллагдсан Д.Дорлигжав  дээрх мэдээнд тайлбар өгөх биз ээ. Юу хэмээн тайлбарлахыг ард, түмэн хүлээж байна.