“Дээлтэй ах”-аас соёлжсон дарга уучлалт гуйж ах дүү болоё хэмээжээ

Сүүлийн үед “Mongolian tourism awards 2018”-д Өмнөговь аймгаас ирж оролцсон бөгөөд эхнэрийнхээ хагас сар урласан үндэсний дээлээр гоёг ирж бүжиглэсэн нь Нийслэлийн Аялал жуулчлалын газрын дэд дарга Ц.Энхтүвшинд эвгүй санагдаж суулгасан нь өнөөдрийг хүртэл цахимаар хөвөрсөөр байна. Харин саяхан нэгэн мэдээллийн эх сурвалж Ц.Энхтүвшинтэй холбогдож энэ талаар тодруулсан байна. Энэ талаар Ц.Энхтүвшин “Хотод дараа ирэхээр нь уулзахаар болсон. Нэг нэр холбогдсоных сайхан ах дүү шиг явах уу гэсэн. Таныг гомдоосон бол уучлаарай гэдгээ хэлж, сум, бригадыг нь асууж ярилцсан. Ах ч бас ахыгаа уучлаарай л гэж байна лээ. Бид хоёр ямар хэрэлдэж, маргалдсан биш дээ. Хоёр хүний шинэ жилийн үйл ажиллагаан дээр ярьсан энгийн л яриа. Гэхдээ ахыг ширээ рүү нь хүргээд өгье, дээлтэй бүжиглэхэд эвгүй, зохимжгүй юм бишүү гэсэн үгэндээ бол би уучлал гуйна. Ах ч ойлгож байгаа, муудалцаагүй, хэрэлдээгүй байж хоёулаа анхаарлын төвд орчихоор эвгүй байлгүй яахав” хэмээжээ. Ямартай ч ийн хурган дарга Ц.Энхтүвшин өөрийн буруугаа ойлгож уучлалт гуйж өөрөө ч гэсэн цайны ганц хоёр дээлтэй дурьдаад өөрийн профайлаа дээлтэй зургаар сольсон аж.