УБТЗ-ын дарга Д.Жигжиднямааг ажлаас нь чөлөөлөх, хилийн хориг тогтоох шүүхийн шийдвэр гарчээ

Улаанбаатар төмөр замын дарга Д.Жигжиднямаад холбогдох хэргийн шүүх хурал болжээ. Шүүхээс УБТЗ-ын дарга Д.Жигжидмааг ажлаас нь чөлөөлж, хилийн хориг тогтоох шийдвэрийг гаргажээ.

Шүүгчийн захирамжид чллагдагч Д.Жигжиднямаад авсан “Хязгаарлалт тогтоох” таслан сэргийлэх арга хэмжээний хэрэгжилтэд хяналт тавихыг Хил хамгаалах Ерөнхий газарт даалгаж, захирамжийн хувийг хүргүүлэхийг мөрдөгч, цагдаагийн ахмад Ж.Батсайханд даалгасугай гэжээ.

Мөн “Яллагдагч Д.Жигжидмаад авсан “Улаанбаатар төмөр замын хувь нийлүүлсэн нийгэмлэгт” Замын даргын албан тушаалд ажиллах, албан үүргээ биелүүлэхийг түдгэлзүүлэх таслан сэргийлэх арга хэмжээ авсан шүүгчийн захирамжийг “Улаанбаатар төмөр замын хувь нийлүүлсэн нийгэмлэгт”-т даруй хүргүүлэхийг мөрдөгч, цагдаагийн ахмад Ж.Батсайханд даалгасугай гэжээ. 

Д.Жигжиднямааг Эрүүгийн цагдаагийн газрын, Эдийн засгийн гэмт хэрэгтэй тэмцэх газраас “Транс маш сервис” ХХК-тай УБТЗ-ын хамтран ажиллах гэрээний луйвар,  дүү Д.Жүгдэрнямтайгаа хамтар Хонгконгод бүртгэлтэй оффшор компаниар дамжуулан 7,5 сая долларын гүйлгээ хийж, мөнгө угаасан байж болзошгүй хэргээр шалгаж байгаа юм.

Тайлбар