”Эрэл”-ийн газрыг хурааж, цэцэрлэгт хүрээлэн байгуулахаар шийдэв

Сүхбаатар дүүргийн 8-р хорооны нутаг дэвсгэр, Хүмүүнлэгийн ухааны их сургуулийн зүүн талд байрлах 3000 м2 газрын эрхийг хүчингүй болгожээ. Нийслэлийн Газрын албанаас зохион байгуулж буй газар чөлөөлөх ажлын хүрээнд Хотын дарга өчигдөр /2018.11.12/ энэ талаарх захирамжийг гаргасан байна. 

Тус газрыг "Эрэл" ХХК үйлчилгээний зориулалтаар эзэмшдэг ч ашиглаагүй удсан учраас газрын эрхийг цуцалжээ. Энэ газарт иргэдийн амарч тухлах бичил цэцэрлэгт хүрээлэн байгуулах ажлыг 2019 оны гуравдугаар улиралд багтаан хийхийг Улаанбаатар хотын Ерөнхий менежер Т.Гантөмөрт даалгасан байна.