​ “Цалинтай ээж”-үүдийн 2 мянгаар яг юу хийх гэсэн юм бол

“Цалинтай ээж” гэхээр цаанаа л нэг сайхан сонсогдож байгаа биз. Гэхдээ сайхан сонсогдож байгаа шигээ сэтгэл ханамжтай байлгадаг гэвэл түүн шиг худлаа юм үгүй.
Төрийн зүгээс “Хүүхэд төрүүлснийг чинь үнэлээд, хүүхдээ хараад гэртээ суу” гээд сард 50 мянган төгрөг өгдөг. Гэхдээ тэрийгээ өгөх гэж хөөрхөн юм болноо, бас. Гэтэл 2 хоногийн өмнөөс сарын 50 мянган төгрөгийг бүтэн өгөлгүй 48 мянган төгрөг дансанд нь шилжүүлсэн байх жишээтэй.
Хүүхдийнхээ живхийг ч авч хүрэхгүй мөнгөнөөс нь дахиад л ийнхүү хасчхаж. Яагаад юуны учир “Цалинтай ээж”-ийн цалингаас 2 мянган төгрөг хасч байгаа хэлж тайлбарлах хүн олдохгүй байгаа бололтой.
Зарим ээжүүд хошигнож “Хүүхдээ муу харсан гээд 2 мянгыг нь хасчихаж байгаа юм байх даа” гэсэн бол зарим нь төр засгийн увайгүй үйлдэл хэрээс хэтэрч ард иргэдийнхээ халаасыг дураараа тэмтэрч, суйлж байна гэж шүүмжилж байна. Хөгжлийн банк, Нүүрсний хулгай, шаталсан татвар гээд ард иргэдээс авах дээрэмдэх, тонох юу л байна бүгдийг нь ямар нэгэн арга саам хийж авсаар байгаа хэрнээ “Цалинтай ээж”-үүдийн 2 мянган төгрөгөөр яг юу хийх гэсэн юм бол доо. Тэгээд ч энэ мөнгийг ээжүүд өөрсдөдөө зориулдаггүй. Ихэнх нь л хүүхдийн памперс, сүү, тэжээл зэрэгт нэмэрлэдэг юм шүү дээ.