Жишиг эмнэлэгт сэтгэл дутав уу

“Томуугийн улирал” алсрах нь битгий хэл бүр дэгдэлтийнхээ ид үед яваа учраас эмч, эмнэлгийн ажилчдын ачаалал 2 дахин нэмэгдэж, ӨЭМТ-үүд уртасгасан цагаар ажиллаж, дүүргийн эмнэлгүүд хөл хөдөлгөөнд дарагдаж байдаг тийм үе. Тэглээ гээд эмнэлгийн ажилтууд ёс зүйгээ умартана гэсэн үг биш.
Олны нүдэн дээр өвчтөнөө бараг л шалдалж эмчилгээ хийж байгаа нэрээр 5-6-уулаа шавж зогсчхоод, үзүүлэхээр ирсэн хүүхдүүд болон эцэг эхчүүдэд айдас хургуулж, жихүүдэс төрүүлж байв. Тодруулбал өдгөөгөөс 10 хоногийн өмнө буюу 2023 оны 1 дүгээр сарын 20-нд манай “Erennews.mn” сайтын сурвалжлах баг дүүргүүдийн эмнэлгээс сурвалжлага бэлтгэн хүргэсэн. Энэ үеэр СХД-ийн Нэгдсэн эмнэлэгт уг асуудал гарсан бөгөөд 50 гаран насны эрэгтэйг олны нүдэн дээр бараг л нүцгэлэх дөхөж, ухаангүй шахам байгаа түүнийг нааш цааш нь эргүүлж тойруулан сандралдаж байснаа кислорад зүүж, тэгсээр дугуйт орон дээр хэвтүүлээд аваад гарсан юм...
Үүнтэй зэрэгцэн эмнэлгийн хүн гэж хэлэхэд бэрх 2 залуу сурвалжлагч, зураглаач нарыг хөөж, "Манай хэвлэл мэдээллийн ажилтнаас зөвшөөрөл авах ёстой... “Би ажлаа явуулмаар байна, эмчилгээ хийхэд та нар саад болоод байна...” гэж бараг л зодохоос нагуур гаргав. Төрийн үйлчилгээний байгууллагуудаас мэдээл авахад бэрх болсон бөгөөд 20:00 цагийн үед мэдээллийн ажилтан нь байхгүй нь мэдээж. Ийм байхад бүдүүлэг муйхар, дээрэнгүй байдлаар хандаж байгаа нь тухайн эмч гэж өөрийгөө хэлээд байгаа "гачгаар" шиг нөхөр болоод тус эмнэлгийн ажилтнуудын ёс зүй ч давхар яригдах учиртай.
Манай баг тэднээс өөрсдөө дүрэмт хувцас өмсөхийг, бас бичиг баримтаа үзүүлэхийг шаардахад “Үзүүлэх шаардлагагүй...” гэж ихэрхэж, эмнэлэгт үзүүлэхээр ирсэн иргэдийг турхирч “Та нар төрийн ордноосоо сурвалжлаач...” гэж яс хаяж байсан юм...
УИХ-ын гишүүд, сайд даргар нар "Улсдаа жишиг эмнэлэг" гэж нээлтийнх нь үеэр хэлж сайшаан магтаж байв. Гэтэл тэр эмнэлгийн хувцасны өлгүүр, хүлээлгийн өрөөнөөс эхлээд үнэндээ тэнд сэтгэл дутаж байгаа нь харагдсан юм.
Үргэлж үүд хаалга нь онголзож байдаг хүлээлгийн өрөө нь махны зоорь шиг мөс даасан байсан бөгөөд жижигхэн халаагуур тавьсан нь хөлдөөчихгүй шиг өвлийг давахыг хийчээж байгааг нь ч харуулж байв. Хүүхдээ тэвэрсэн, хөтөлсөн ээж аавууд тэр өрөө рүү орох ч “Ёооё, аднаас ч хүйтэн байна. Өвчин нэмнэ, хүндэрнэ, энд суува...” гэсээр гарцгааж дулаан газар бараадаж байсан юм.
Жишиг эмнэлгийнхний сэтгэл дутсан энэ мэт үйлчилгээг удирдлагууд нь анхааралдаа авах нь зүйтэй биз ээ.