​ УБТЗ-ын дарга Х.Хэрлэнг хэзээ шалгах вэ

УБТЗ ХНН-ийн дарга Х.Хэрлэнг ч шалгаад үзэхэд гэмгүй гэдгийг хэд хоногийн өмнө хуулийнханд баригдсан С.Батдөлийн байдал баталж байна. Ингээд ч зогсохгүй УБТЗ-аас байгууллагын нэр хүндэд муугаар нөлөөлж байна, төмөр замчдын нэр хүндийг сэвтүүллээ, С.Батдөлийн орон байрнаас илрүүлсэн 7.3 тэрбум төгрөг манай тээврийн орлогыг завших замаар олсон мөнгө биш гэж ирээд л мэдэгдэл гаргаад байна.
Уг нь авлига, албан тушаал, хөрөнгө санхүүгийн хэргийг ямар ч “жараахай”, “акул” байсан шууд байгууллагын мөнгийг халааслаад, хувь дансандаа хийгээд авчихгүй гэдгийг өнөөдөр хэнбугай ч мэддэг болсон гэдгийг УБТЗ-ынхан мэдээгүй гэж үү.
Байгууллагын орлогоос биш хэдий ч албан тушаал дэвшээд өөрийнх нь болоод гэр бүлийнх нь орлого гэнэт өсчихдөг дарга нарыг хуулийн байгууллагынхан шалгах зайлшгүй хэрэгтэйг С.Батдөл баталж өгч байгаа шүү.
Тэр байтугай УБТЗ-ын ХНН-ийн дарга Х.Хэрлэнгийн орлого ч өссөн гэдгийг ХОМ-ээс нь харж болохоор байгаа.

Учир нь босоо удирдлагатай байгууллагад С.Батдөл дангаараа толгой мэдэн их хэмжээний мөнгөтэй болох боломжгүй. Тэгээд ч түүний цаадах “акул”-ууд нь албаны томчууд байх магадлал өндөр.
Тодруулбал, хэрэгт холбогдсон С.Батдөл Дархан-Уул аймгийн харьяат бөгөөд УБТЗ-ын Захиргаа, хүний нөөцийн асуудал хариуцсан замын орлогч дарга Н.Энхцогттой нутаг. Харин Н.Энхцогтын хувьд УБТЗ-ын дарга Х.Хэрлэнгийн дотнын найз. АМГТГ-ын дарга байхад нь мөн л хэлтсийн даргаар ажиллаж явсан. Тэгэхээр мань дарга нарын хоршлыг С.Батдөл гардан гүйцэлдүүлдэг байсан ч юм билүү хэн мэдлээ.