Хүчирхийлэгч нь хохирогч болж, шүгэл үлээгч нь гэмтэн болов

УИХ-ын гишүүн Ч.Ундрамын харахаас ч ичмээр, бас  гэр бүлээ хүчирхийлж элдвээр хэлж байгаа, хүүхдээ  дарамталж байгаа  бичлэг олны анхаарлыг татаж сэтгэл өвтгөсөн. 
Түүний нөхрийг олон олон зүйлийг золин  байж бичлэг цацсан тухай бултаараа ярьж, дүгнэж, шүгэл үлээсэнд нь  талархаж байгаа. Гэтэл өнөөдөр Ч.Ундрам гишүүн хохирогч болж, хүүхдүүдийнхээ түрээ барин бардамнаж, харин “Гэр бүлийн хүчирхийлэл төрийн түшээгийн гэрт болж байна” гэж шүгэл үлээсэн  нөхөр Б.Наранцацралт нь буруутаж Зөрчлийн тухай хуулийн 6 дугаар бүлгийн 20 дугаар зүйлийн 1.4-т зүйлчилснээр 200 мянган төгрөгөөр торгуулж. 
Энэ заалтад “Хуулиар хүлээсэн асран хамгаалах, тэжээн тэтгэх үүргээ биелүүлээгүй нь эрүүгийн хариуцлага хүлээлгэхээргүй бол хүнийг хоёр зуун нэгжтэй тэнцэх, хуулийн этгээдийг хоёр мянган нэгжтэй тэнцэх хэмжээний төгрөгөөр торгоно” гэжээ.
Тэгвэл хүчирхийлэл үйлдэж, том болж яваа охин хүүхдээ сандалтай нь татаж унагаад элдэв үгсээр харааж бараг л гудамжинд гаргах дөхөж байгаа гишүүн хатагтай  “Энхийн цагаан тагтаа” болох бололтой.  
Тэгвэл олныг хирдхийлгэсэн энэ дүр зургаас хууль тогтоогчид яаж хууль завхруулдаг гэдгийг харж болно. Тодруулбал УИХ-ын гишүүн Ч.Ундрам он солигдох үеэр  “... Гэр бүлээ цуцлуулж, өрх толгойлсон ээж болж байна...” гэсэн постыг цахим орчинд цацсан.
Товчхондоо бол гэр бүлээ цуцлуулж, хүүхдүүдийнхээ асран хамгаалагчаар хэн нь үлдэж байгаа тухай шүүхийн тогтоол гаргаагүй байхад ийнхүү бардамнасан нь гишүүн хатагтайг “Хуулиас  дээгүүр жаалж байна” гэдгийг нотолсон.
Тийм дээ ч өнөөдөр ард иргэд Гэр бүл хүүхэд залуучуудын хөгжлийн газрыг “УИХ-ын гишүүний гэр бүлийн хүчирхийллийг  зөвтгөлөө” гэж бухимдаж эхэллээ.