Эрүүл мэнд, эд хөрөнгийн хохирлоо энэ хүнээс нэх

Нийгмийн ямар ч үед хүний ард нуугдаж, ажлаас хойш суудаг хэрнээ бусадтай адилхан  ажилласан мэт дүр эсгэсэн нөхөд байсаар ирсэн. Өнөөдөр ч ийм нөхөд бүр олшрох хандлага байгаа нь ажиглагддаг. Тэднийг одооныхноор бол “Цүнх баригч”, “Суганы үс” гэж нэрлэдэг.  Гэхдээ “Цүнх баригч” ч бай,  “Суганы үс” нь ч бай тэд энэ улсад амьдарч л байгаа хойно жаахан ч гэсэн сэтгэл гаргачих хэрэгтэй байгаа юм. 
Үүгээр юу хэлэх гээд байна вэ гэвэл Улаанбаатарчуудын түгжрэлийг механикаар нэмэгдүүлж байгаа зүйл бол цас, мөс, халтиргаа. 
Уг нь энэ асуудлыг гаргуулахгүй байх талаас нь ажиллах ёстой нэг нөхөр уг нь цалин пүнлүү аваад сууж байгаа. Тэгвэл тэр юу хийсэн гэж цалин аваад байгаа юм бэ. 
Зам дээрх мөс, халтиргаанаас болж  машинууд шүргэлцэж, мөргөлдөж, явган хүн нь халтирч унаж бэртэж, Гэмтлийн эмнэлгийн ачаалал ихэсч байгаа тухай мэдээллийг бултаараа л сонсож, харж байгаа.
Тэгвэл зам талбайг мөсгүй, цасгүй халтиргаагүй, байх чиг үүрэг бүхий этгээд нь Хотын Ерөнхий менежер Д.Ганболд гэж хүн. Түүнээс  эмчилгээнийхээ төлбөрийг, мөргүүлсэн шүргүүлсэн машиныхаа төлбөрийг авъя гэж олны зүгээс шуугиад эхэллээ.
Энэ нь ч зөв. Үнэндээ түүний хариуцлагагүй байдлаас иргэд эрүүл мэндээрээ эд хөрөнгөөрөө хохирч байгаа учраас ийнхүү түүнтэй хариуцлага тооцох хэрэгтэй гэж үзэж байгаа нь энэ.
Хэрэв түүнд жаахан ч гэсэн сэтгэл байвал дүүргүүдийнхээ засаг ноёдод үүрэгдчихэд л болох асуудал. Тэдгээр засгууд нь орон сууцны хорооллуудын СӨХ, гэр хорооллын хэсгийн ахлагч нарт... гээд шат шатандаа сэтгэлтэй хариуцлагатай хандчихад л болчих асуудал шүү дээ.