АТГ-ын дарга З.Дашдаваа: - Өчигдөр Ерөнхий сайд асан Сү.Батболд, Ж.Эрдэнэбат, Н.Алтанхуяг нарыг дуудаж, мэдүүлэг авсан.

-Нүүрсний хэрэгт яллагдагчаар татагдаад байгаа Х.Баттулга хилээр гараад "зугтсан" гэдгийг хэн нотлоод байгаа юм бэ? Гадаад улсад явахаа мэдэгдээд явж болно шүү дээ, хилийн хориг тавиагүй тохиолдолд.

Өнөөдрийн байдлаар нүүрсний хулгайн чиглэлээр 21 хэрэг үүсгэн шалгагдаж байгаа ба мөрдөн байцаалтын 17 хэрэгт нийт 76 хүнийг эрүүгийн хэрэг үүсгэж яллагдагчаар татсан.
Нүүрсний олборлолт, экспорт, тээвэрлэлт, худалдан авах ажиллагаатай холбоотой хэргүүдэд хойшлуулшгүйгээр 15 хүнийг баривчилсан бөгөөд яллагдагчаар татагдан шалгагдаж буй 76 хүний 73-т хуульд заасан таслан сэргийлэх арга хэмжээг авсан байна.
Үүнийг төрлөөр нь авч үзвэл:
Цагдан хорих таслан сэргийлэх арга хэмжээ авагдсан 10,
Монгол Улсын хилээр гарахыг хязгаарлах хязгаарлалт тогтоох таслан сэргийлэх арга хэмжээ авагдсан 22,
Хувийн баталгаа гаргах таслан сэргийлэх арга хэмжээ авагдсан 38,
Тодорхой үйл ажиллагаа явуулах, албан үүргээ биелүүлэхийг түдгэлзүүлэх таслан сэргийлэх арга хэмжээ авагдсан 3 яллагдагч тус тус байна.
Мөрдөн байцаалт явуулсан нийт 17 хэргээс 23 хүнд холбогдох 4 хэргийг яллах дүгнэлт үйлдэн шүүхэд шилжүүлж, одоо 53 хүнд холбогдох 13 хэргийг шалгаж байна хэмээв.