Жагсаалын дуулианаар замхрах учиргүй

“Мартаж санадаг хорвоо...” гэдэг ч мартах учиргүй юм гэж бас бий. Тухайлбал сургуульдаа явж байсан охиныг мөргөж, чирж, эрүүл мэнд, ирээдүйгээр нь хохироосон “Ч.Маралмаагийн хэрэг”-ийг мартах учиргүй юм. Тэр хэрэг үртэй үндэстэй нэгний битгий хэл нийгмийг айдаст автуулж байсан ч “Хэрэг мөрдөн байцаалтад явж байгаа” гэх хариултаар замрах нь гэж олны зүгээс харж байна.

Мөн УИХ-ын гишүүн асан Ж.Батзанданг ч бас мартах учиргүй юм. Гэхдээ түүнийг бус хийсэн хэргийг нь мартаж үл болно. Учир нь шударгын дүрээр гарч ирсэн тэрбээр Монгол Улсын Авлигын эсрэг хуулийн 7 дугаар зүйлийн 7.1.6-г зөрчсөн. Тодруулбал “Албаны эрх мэдэл буюу албан тушаалын байдлаа урвуулж, хэтрүүлсэн гэсэн үг. Мөн дээр нь Төрийн албан тухай хуулийн 37 дугаар зүйлийн хэд хэдэн хэсэгт заасан "Албан үүргээ гүйцэтгэж байхдаа хувийн болон бусдын ашиг сонирхлын төлөө албан тушаалаа ашиглахгүй, хэтрүүлэхгүй..." гэсэн заалтуудыг ёстой л зөрчихийн дээдээр зөрчсөн хүн.

Түнийг Монгшолын ард түмэн энэ өдөрлөгт хүртэл нь дэмусэн. Гэтэл тэрбээр ард түмний итгэлийг эвдэж, өр рүү нь өшиглөж, Монгол Улсын хууль дүрэм, журмыг дэвсэлсэн.
Тиймээс түүний шударгын дүрээр үйлдсэн 17 тэрбум 200 сая төгрөгийн хохирол, авсан зээлээ 90 гаруй ААН-д дамжуулан зээлдүүлсэн хэргийг мартах учиргүй ээ.