ХБ-наас зээл авсан А.Сүхбатын хамаарал бүхий "Түгээмэлтүмэн хишиг" ХХК-аас 25.9 тэрбум төгрөгийг гаргуулахаар шийдвэрлэжээ

Moderator

2022/12/10

УИХ-ын гишүүн асан А.Сүхбатын хамаарал бүхий “Түгээмэл түмэн хишиг” ХХК-д холбдогдох хэргийг Дархан-Уул аймгийн Иргэний хэргийн анхан шатны шүүх хэлэлцэж энэ сарын 7-ны өдөр шийдвэрээ гаргасан байна.

Тодруулбал, УИХ-ын гишүүн асан А.Сүхбатын төрсөн дүү А.Баттөгсийн эхнэрийн Г.Буяндэлгэрийн нэр дээр бүртгэлтэй “Түгээмэл түмэн хишиг” ХХК нь Хөгжлийн банкнаас 18.7 тэрбум төгрөгийн зээлийг “Тайван зогсоол” төслийг санхүүжүүлэхээр авсан аж. Гэвч өдгөө зээлийн нийт үлдэгдэл нь 25.9 тэрбум төгрөг болсон байна. Тиймээс уг асуудлыг шийдвэрлүүлэхээр Хөгжлийн банк хуулийн байгууллагад хандаж, улмаар Дархан-Уул аймгийн ИХАШ уг хэргийг хэлэлцээд "Түгээмэлтүмэн хишиг" ХХК-аас нийт 25.9 тэрбум төгрөгийг гаргуулах, барьцаа хөрөнгөөр үүргийн гүйцэтгэлийг хангуулахаар шийдвэрлэжээ.

Тус компани нь Хөгжлийн банкны зээлийн барьцаанд "Алтан хүнс групп" ХХК-ийн өмчлөлийн, Дархан-Уул аймагт байрлах Комфорт зочид буудал газрын хамт, улаанбаатар хотод байрлах 292 м.кв талбай бүхий оффисын талбай, А.Сүхбатын өмчлөлийн Ривер гарденд байрлах 495 м.кв талбайтай орон сууц, "Түгээмэлтүмэн хишиг" ХХК-ийн өмчлөлийн Тайван зогсоол төслийн барилгууд, зам, газрыг барьцаанд тавьсан байжээ.

Сэтгэгдэл (4)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

64.119.22.41

2022/12/12

Бас ЖДҮ гээс авсан зээл нь яасан юм бол ?????
Хариулах
64.119.20.220

2022/12/11

ГАЗРЫГ ӨМЧЛҮҮЛДЭГ ХУУЛЬ ХЭЗЭЭ ГАРСАН ЮМ БЭ? ТӨР ЭЗЭМШҮҮЛЖ БАЙГАА ГАЗРАА ХУРААЖ АВАХААС ӨРӨНД АВАХ ХУУЛЬ БАЙХГҮЙ. ХУУЛИА МЭДЭХГҮЙ ХЭДЭН ХУЛГАЙЧ ШҮҮХЧИД ОДОО ХҮРТЭЛ ХАШИРДАГГҮЙ. ТӨР НЬ ТОЛГОЙГИЙГ ИЛЭЭД ХАМТДАА ГЭМТ ХЭРЭГ ҮЙЛДЭЭД МАНГАР ЛУЙВАРЧИН БӨХӨД МОНГОЛЫН АРД ТҮМЭН ЯМАР ӨРТЭЙ ГЭЖ.
Хариулах
202.21.109.46

2022/12/10

Өрөнд газар хураалаа гэх м тэр чинь монголын газар биз дээ төрөхдөө тэр тэврээд эхээсээ гараагүй л байлтай
Хариулах
- 64.119.17.225
  
  2022/12/11
  
  Ийм мэдрэл муутай хүмүүстэй хамт амьдарж байгаа гэж бодхоор аймар