Эрдэнэтийн “Тэмүүлэл“ хувийн цэцэрлэгийн багш ангийнхаа ой 4 сартай хүүг 12 удаа алгаджээ

Орхон аймагт үйл ажиллагаа явуулдаг "Тэмүүлэл" цэцэрлэгийн нэгэн багш ангийнхаа хүүхдүүдтэй зүй бус харицаж буй бичлэг цахим орчинд цацагдаад байгаа билээ. Тухайн үйл явдал 10 сарын 24 -нд Тэмүүлэл цэцэрлэгт болжээ.

Тус цэцэрлэгийн бага ангийн багш О нь ангийнхаа хүүхдийг унтахгүй байна гэх шалтгаанаар нүүрэн хэсэгт нь 12 удаа цохиж, хөхөрсөн хэсгийг нь унасан болгох гэж нойтон салфеткаар үрж, ёс бусаар харицаж буй нь камерт бичигджээ. Тухай хүүхэд тус цэцэрлэгт 4 хоног явсан ой 4 сартай хүүхэд юм.
Тэгвэл тус цэцэрлэгийн удирдлагууд эцэг эхчүүдээс уучлал хүсжээ.
Тодруулбал, "УУЧЛАЛ ХҮСЬЕ
“Тэмүүлэл” цэцэрлэгийн багш мэргэжлийн ур чадварын ноцтой алдаа гаргаж, хүүхдийн эрхийг зөрчиж, хүүхдийн биед халдаж, шийтгэл үзүүлсэн үйлдэлд багшийн нэрийн өмнөөс болон ажил олгогчийн хувьд эцэг эх, асран хамгаалагчид, үйлчлүүлэгчдээс уучлал хүсье.
МУБИС-ийн Сургуулийн өмнөх боловсролын сургуулийн төгсөгч залуу багш хөдөлмөрийн гараагаа эхлүүлсэн туршилтын богино хугацаанд гаргасан энэхүү үйлдэл нь Хүүхдийн эрхийн конвенц, Хүүхдийн эрхийн тухай, Боловсролын тухай хуулийн холбогдох заалтуудыг ноцтой зөрчиж, Багшийн ёс зүйн хэм хэмжээг сахин биелүүлээгүйд харамсаж байна.
Манай хамт олны дунд мэргэжлийн туршлага, ур чадвартай, сэтгэл зүтгэлтэй олон багш, үйлчилгээний ажилтан ажилтан сургуулийн өмнөх боловсролд хамрагдах насанд хүрээгүй бага насны хүүхдүүдэд үйлчилж,тэдний асран хамгаалагчдыг сэтгэл тайван ажил төрлөө хийх боломжийг бүрдүүлж бүтэн 10 жилийн турш хүч хөдөлмөр,сэтгэл зүрхээ зориулан ажиллаж ирсэн.
Цаашид “Тэмүүлэл” цэцэрлэгийн хамт олон багшийн ёс зүйг дээдэлж,мэргэжлийн түвшинд хариуцлагатай ажиллаж,багшийн нэр хүндийг өргөж явах болно.
“ТЭМҮҮЛЭЛ” ЦЭЦЭРЛЭГИЙН ЗАХИРГАА" гэжээ.