​ Л.Оюун-Эрдэнийн толгой дээр гарчихсан бүүр...

Цахим хөгжил, харилцаа холбооны дэд сайд Б.Болор-Эрдэнэ харь оронд очиж улсынхаа хөгжилд хувь нэмрээ оруулсан дунд ба ахмад үеэ жишим ч үгүй муулж, доромжилж буй бичлэг олны дургүйцлийг хүргэв. Хэдийгээр өнгөрсөн оны бичлэг ч түүний тар нь танигдсан учраас нийгмээрээ бухимдаж цахим сүлжээнд дэд сайдын суудлыг зайдагначхаад байгаа Б.Болор-Эрдэнэд хариуцлага тооцож албан тушаалаас нь огцруулах аян өрнүүлсэн юм.
Олны бухимдал дээд цэгтээ хүрсэн учраас МАН-ын дарга нар хийгээд УЗ-ийнхөн ихэд уурлаж Обуна буюу Б.Болор-Эрдэнийг Үндсэн хууль зөрчсөн, зөрчих, зөрчихдөө маш ноцтойгоор зөрчсөн гэж албан тушаалаас нь огцруулахыг шаарджээ. Гэвч Ерөнхий сайд Л.Оюун-Эрдэнэ мань хүүхнийг цээжээрээ хамгаалсан гэх яриа төрийн ордон, МАН-ын цагаан байраар шуурга шиг дэгдээд өнгөрөв.
Уг нь Засгийн газрын бодлого, зарчим нь хүний эрхийн мэдрэмж дээр суурилж буйгаа МАН-ынхан ард түмэндээ мэдэгдсэн. Тиймээс ч Орос, Монголын хамтарсан гуравдугаар сургуулийн захирал Ж.Соронзон, ХНХ-ийн сайд Д.Сарангэрэл нарын гаргасан үг үйлдэл нь Монгол Улсын Үндсэн хуулийн суурь зарчимтай зөрчилдөж, Засгийн газрын баримталж байгаа бодлого, зарчмын эсрэг үйлдэл болсон гэж үзэн, үүрэгт ажлаас нь чөлөөлөх шийдвэрийг гаргаж, огцруулж байсан нь саяхан.
Гэтэл гаднын улс оронд оччихоод улсынхаа ахмад үе, Орост боловсрол эзэмшсэн үндэсний сэхээтнүүдээ дэлхий даяар гутаан доромжилчхоод байхад Ерөнхий сайд яагаад түүнийг цээжээрээ хамгаалж авч үлдэхээр болов гэдэг нь эрхгүй анхаарал татна.
Дээр бичсэнчлэн Засгийн газрын аливаа шийдвэр ялгавартай гарах ёсгүй. Энэ зарчмыг Засгийн газар баримталж байна. Хүний эрхийг дээдэлсэн хүмүүнлэг нийгмийг цогцлоох үйлсэд төрийн алба хаагч, УИХ-ын гишүүд, сайд, дарга нар идэвхийлэн оролцох үүрэгтэй. Төрийн аливаа албан тушаалтан хүний эрхийн асуудалд ул суурьтай хандаж, хүний эрхийг хүндэтгэсэн хүмүүнлэг ардчилсан нийгмийг цогцлоох үйлсэд өөрсдөө хариуцлагатай хандах хэрэгтэй хэмээн хэлж байсан энэхүү үг Ж.Соронзон, Д.Сарангэрэл нарт үйлчилсэн хэрнээ яагаад улсаа дэлхийд шившиглэсэн Обуна буюу Б.Болор-Эрдэнэд үйлчлэхгүй байна вэ гэж Ерөнхий сайд, МАН-ын дарга Л.Оюун-Эрдэнээс асуумаар байна.
Хууль хүн бүрт тэгш эрхтэйгээр үйлчлэх ёстой. Гэтэл төрийн сайд хүний амнаас гарахааргүй үгийг өөрийнх нь шошготой Б.Болор-Эрдэнэ бөмбөрцгөөр нэг хадаачхаад байхад өнөөдөр түүнийг хүчээр авч үлдэхээр санаархаж байна. Түүнийг өнөөдөр авч үлдлээ ч хожим нь толгойг чинь цустана гэдгийг зөнч Ванга шиг хэлчихэд гэмгүй биз ээ.