Сайдын суудлын төлөөх тулааны эзэд

Засгийн газарт шургалах орон тоо гарах бүрт УИХ-ын гишүүд давхар дээл өмсчих гээд, чичирч, дайраад “алаан” болж байна.
Тухайлбал, ХНХ-ын сайдын орыг залгах гээд Т.Аюурсайхан, Ж.Мөнхбат, Ш.Адьшаа нар чичирч дайрч байсан нь саяхан. Гэтэл өнөөх суудал нь эмэгтэй квоттой гэдгийг ойлгомогцоо одоо нөгөөдүүл чинь “Боомт хариуцсан сайд”-ын суудал руу санаархаад, дарга нарынхаа өрөөгөөр хөлийн хурд мэдэн гүйлдэх болжээ.

УИХ-ын дэд дарга Т.Аюурсайханы хувьд “лайвчин” Д.Мөнх-Эрдэнийн хэлдгээр ямар ч албан тушаалд бид очихгүй гэж “шаадаг тав”-ын нэг нь.

Ж.Мөнхбат нь үнэтэй брэндээр байнга гангарч, хэдэн зуун мянган долларын цаг зүүдэг, Шангриллад амьдардаг гээд л тулж хахаж цацталаа баяжсан нөхөр гэж Д.Мөнх-Эрдэнээр хэлүүлдэг.

Харин УИХ-ын гишүүн Ш.Адьшаагийн хувьд энгэрийнх нь батлах л АН-ын гишүүнийх болохоос аль эртнээс МАН-ын хатавчинд урваад орчихсон гэж хэлэгддэг нөхөр.

Гэтэл Монгол Улсын Засгийн газрын Боомт хариуцсан сайд гэх өндөр албан тушаалд тойргоо ч тоймтой тордчихдоггүй хүмүүс санаархаж байгаа нь экспорт, импортын асуудлыг хэзээ ч жигдэлж чадахгүй нь гэх ойлголтыг нийгэмд өгч байгаа юм.
Учир нь, Боомтын асуудал эрхэлсэн сайдын үйл ажиллагаанаас Монгол Улсын эдийн засгийн үзүүлэлт ихээхэн шалтгаална гэдэг нь хэн бүхэнд ойлгомжтой асуудал болчхоод байгаа билээ.