“Ланд-200” автомашины жолооч эсрэг урсгалд орж долоон автомашиныг мөргөж, 12 настай хүүхдийг гэмтээжээ

Энэ сарын 10-ны 18:00 цагийн орчимд Баянзүрх дүүргийн 26 дугаар хороо, Олимп хотхоны хойд талын авто замд "Ланд-200" маркийн автомашины жолооч эсрэг урсгал руу орж долоон автомашиныг мөргөж, нийт найман автомашин холбогдсон зам тээврийн осол гарчээ

Уг ослын улмаас гарцаар зам хөндлөн гарч байсан 12 настай хүүхдийг мөргөж гэмтээсэн. Осолд өртсөн хүүхэд эрүүл мэндийн байгууллагын хяналтад байгаа бөгөөд хүүхдийн гэмтлийн зэргийг тогтоохоор шүүх эмнэлэгт үзүүлсэн.
Одоогоор шүүх эмнэлгийн дүгнэлт гараагүй байгаа бөгөөд хэрэг хэрэг бүртгэлт, мөрдөн байцаалтын шатандаа явж байна. Мөн осолд өртсөн жолооч болон тээврийн хэрэгсэлийн  хохирол, гэмтлийг тогтоохоор ажиллаж байгаа. Ташрамд өгүүлэхэд,  Осол гаргасан жолооч согтууруулах ундааны зүйл хэрэглээгүй, эрүүл байсан бөгөөд ослын шалтгааныг тогтоохоор цагдаагийн байгууллага ажиллаж байгаа аж.