Ж.Бат-Эрдэнийг прокуророос 30 хоног хорих хүсэлтээ ШҮҮХЭД хүргүүлжээ

Moderator

2022/10/10

УИХ-ын гишүүн асан Ж.Батзандангийн төрсөн ах ХХААХҮ-ийн дэд сайд Ж.Бат-Эрдэнийг энэ сарын 05-ны орой 12 цагийн үед АТГ-аас хойшлуулшгүйгээр баривчилж, 48 цагийн хугацаатай цагдан хорьсон. Түүнийг цагдан хорих хугацаа өнгөрсөн баасан гарагийн 12 цагийн үед дуусах байсан бөгөөд прокуророос түүнийг үргэлжлүүлэн 30 хоног цагдан хорих хүсэлтийг шүүхэд хүргүүлжээ.
Гэвч Ж.Бат-Эрдэнэ шүүгчээс татгалзсанаар цагдан хорионы шүүх хурал хойшилж, Ж.Бат-Эрдэнийг 48 цагийн хугацаа дууссан тул сулласан байна. Хуулиараа шүүхээс захирамж гараагүй бол 48 цагийн хугацаагаар цагдан хорьсон хүнийг шууд суллах ёстой юм. Ж.Бат-Эрдэнэ шүүгчээсээ татгалзсанаар цаг хожиж буй бололтой. Түүнийг цагдан хорих шүүх хурлыг өнөөдөр /2022.10.10/ товлож болзошгүй.

Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.