Г.Амартүвшин: Зээл гарахгүй байгаа нь хүү өснө гэсэн хүлээлттэй холбоотой

Өнөөдрийн УИХ-ын чуулганаар Төрөөс 2023 онд баримтлах мөнгөний бодлогын талаар хуулийн төслийг хэлэлцлээ.
Энэ үеэр УИх-ын гишүүн Г.Амартүвшин “Өнгөрсөн 2 жилийн хугацаанд Засгийн газраас их хэмжээгээр бэлэн мөнгө тараасны үр дүнд нь ханшийн сулрал болж байна. Тийм учраас Монголбанк бодлогын хүүгээ чангаруулсан. Гэхдээ энэ нь цаг хугацааны хувьд нэлээн хугацаа алдсан гэж харагдаж байна. Арилжааны банкууд зээл гаргахгүй байгаа шалтгаан нь хүү өснө гэсэн “Хүлээлт”-тэй холбоотой юм.
Мөн арилжааны банкууд IPO гаргах гэж байхад Монголбанк хойшлуулсан. Активын чанарын үнэлгээ хийнэ, AQR хийнэ гэх шалтгаан хэлсэн. Тэгвэл эдгээр банкуудын активын чанарын үнэлгээ хэзээ гарах вэ, олон нийтэд нээлттэй мэдээлэх үү.Энэ талаар мэдээлэл авмаар байна.
Түүнчлэн ипотекийн зээл гарж байгаа юу. Гадуур иргэд гарахгүй байна гэх тайлбар өгч байна. Ер нь бол ипотекийн 6 хувийн зээл танай мөнгөний бодлогын эсрэг явж байгаа шүү. Барилгын салбарын хөрөнгө оруулалтын 70 хувь нь импортод гараад явчихдаг” гэж хэллээ.