Хөшөө, суварганд дуртай нутгийн зөвлөлийн "хур БАЯЧУУД"

Монгол Улсын нийслэл Улаанбаатар хотод 200 орчим хөшөө дурсгалтай бий. Энэ тоо жил ирэх тусам л өсдөг. Монгол Улсын Ерөнхийлөгч У.Хүрэлсүх ТЭРБУМ мод тарих хөдөлгөөн өрнүүлж эхэлсэн ч хөшөө дурсгалууд л  сүндэрлэсээр  байна. 

Тухайлбал, өчигдрөөс нийгмийн сүлжээнд Соёмботой Эйффелийн цамхаг Завхан аймгийн НӨМРӨГ суманд сүндэрлүүлсэн нь шүүмжлэл дагуулаад байна. Энэ цамхгийг нутгийн зөвлөлийн хүмүүс хандиваараа барьсан хэмээн албаны эх сурвалж зөвтгөл хийжээ. 

Тэгвэл хэдхэн хоногийн өмнө Сүхбаатар аймагт тэрбум төгрөгийн өртөгтэй  бурхан багшийн хөшөө босгосон байв. Мөн л нутгийн зөвлөлийнхөн барьсан гэх тайлбартай. Өөр эх сурвалжуудын мэдээллээр нутгийн зөвлөлд Ерөнхийлөгч У.Хүрэлсүхийн ах дүү нар байдаг гэх мэдээлэл ч тархсан. Баттай эсэх нь эргэлзээтэй. Гэвч нутаг орны хөгжлийг хөшөөгөөр хэмжихгүй. Нутгийн зөвлөл нэртэй "хур баячууд" ямар утга билэгдэлтэй нь үл мэдэгдэх шавар, төмөр босгож байхаар орон нутгийг хөгжилд бодит хувь нэмэр оруулах төсөл арга хэмжээ хэрэгжүүлэх хэрэгтэйг сануулан хэлэх нь илүүц биз. Үнэндээ төрсөн нутагт чинь хөшөө босгохоос өөр түм буман шийдлээ хүлээж буй ажил бий....Ядаж ганц ширхэг мод тарь!!!!