Төр Замын-Үүд дээр ачаа бөөгнөрүүлж, ААН-үүдээ дампууруулж байна

Энэ бол Зам-Үүдэд "гацсан" ачаа.  Эрээний хил нээгдэхгүй байна гэсэн бухимдлаас илүүтэй хилээр ороод ирсэн ачааг энэ байдлаар овоочихсон байгаа нь иргэд, ААН-үүдийн бухимдлыг төрүүлж байна. Хичнээн аж ахуйн нэгж, иргэдийн бизнесийн үйл ажиллагааг царцааж байгаагаа мэддэг ч юм уу, үгүй ч юм уу? Төрийн энэ мэт зохицуулалтгүй, царцанги үйл ажиллагаа цар тахлын хүнд цаг үед ААН-үүдийг  дампуурал руу түлхсээр байна. 

Коронавируст халдварын нөхцөл байдлаас үүдэн Эрээн хотод хатуу хөл хорио тогтоогоод байгаа. Гэсэн ч өдөр цөөн тоогоор чингэлэг тээврийг Зам-Үүд рүү нэвтрүүлсээр байгаа аж. Гэтэл бүх л бүтэн улс ганц хилийн боомтын байж байгаа царай. Хоёр жил гаруй хугацааны турш Монголын төр ганц Замын-Үүдийн асуудлаа цэгцэлж чадсангүй. Хил хаагдаж ачаа бараа ирэх хугацаа уртассан. Дээрээс нь задгай тээврийг зогсоож чингэлэг тээврээр явуулж бүр асуудал нэмсэн. Харин одоо чингэлгээр ирсэн ачаагаа энэ байдлаар овоолчихоод сууж байна. 

Ганцхан боомтын асуудлаа шийдэж чадахгүй төртэй байна гэдэг шившиг юм. Бараа бүтээгдэхүүний үнэ өдрөөс өдөрт нэмэгдэж, иргэдийн амьдралын түвшин буурсаар байна. Энэ бол ачаа тээврийн асуудлаа цэгцэлж чаддаггүй Л.Оюун-Эрдэнийн тэргүүлсэн Засгийн газрын түмэн буруу. Хамгийн муу менежерүүдийн цуглуулга. Хилээр ороод ирсэн ачаа тээврийнхээ асуудлыг зохицуулчихаж чадахгүй сайд, дарга байгаа нь шившиг юм.