МҮБХ: 650 сая төгрөгийн шагналын сантай Үндэсний цомын төлөөх барилдаан зохион байгуулна

Moderator
2022/05/20

Монголын Үндэсний Бөхийн Холбоо, SPS HD телевиз хамтран  “Үндэсний цомын төлөөх багийн барилдаан”-ыг зохион байгуулахаар болжээ. Тус багийн барилдаан нь 21 аймаг, есөн дүүрэг, Улаанбаатар хотын багийг хамруулах гэнэ. 

 Монгол үндэсний бөхийн дэлхийн жишигт хүрсэн спортын мэргэжлийн лигтэй болох, үндэсний бөхийн шинэ залуу оддыг төрүүлэн тодруулах, цоо шинэ хэлбэр хийцтэйгээр үзэгчдэд хүргэх,  үндэсний спортын топ контентийг бий болгох юм. Бөхийн ёс зүй, үүрэг хариуцлагыг шинэ шатанд гаргаж, амжилтыг бодитоор үнэлж, тогтмол өндөр орлоготой болгож энэхүү спортыг цэвэр, шударга, өрсөлдөөнтэй, сонирхолтой байдлаар хүргэхэд барилдааны зорилго оршино. 

 Уг төсөл 2022 оны аравдугаар сараас 2023 оны зургадугаар сар хүртэл нийт есөн сарын хугацаанд үргэлжлэх бөгөөд энэ хугацаанд багийн 52 барилдааныг зохион байгуулж, Үндэсний цомын аварга багийг тодруулна. Нийт шагналын сан 650 сая төгрөг байна.

 SPS HD телевиз барилдааны шүүлтэд удаашруулах төхөөрөмжийг туршин нэвтрүүлж, үндэсний бөхийн шууд дамжуулалт, тайлбар, статистик бүртгэлийг шинэ түвшинд гаргах гэнэ. 

 Цомын төлөөх барилдаан явагдах дүрэм 

 Баг тус бүр үндсэн таван гишүүнтэй байх бөгөөд сэлгээний нэг тамирчинтай байна.

Урьдчилсан шат

  • Оролцогч 32 баг урьдчилсан нэгдүгээр шатанд сугалаагаар хүч үзнэ.

  • Энэ шатанд хоёр ялалт авсан шилдэг найман баг тойргийн барилдаанд өрсөлдөх эрхээ авна.

Тойргийн барилдаан

  • Тойргийн барилдаанд шалгарсан баг бусад долоон багтайгаа тойргоор барилдана.

  • Хожсон баг 3 оноо авах бол хожигдсон баг 1 оноо авна. 

  •  Тойргийн барилдаан дуусахад хамгийн олон оноо цуглуулсан баг “МҮБХ” Үндэсний цомын ялагчаар тодорно.

Барилдаан болох хугацаа

  • Тэгш тоотой сар бүрийн эхний 12 хоногт “МҮБХ” Үндэсний цомын барилдаанууд Монгол бөхийн өргөөнд болно.

Тусгай дүрэм

  • Барилдааны үргэлжлэх хугацаа найман минут байна. Энэ хугацаанд багтаж барилдаанаа дуусгавал давааны мөнгөө бүрэн авна. Харин барилдааны хугацаа 8 минутаас хэтэрвэл давааны мөнгө шатлан хасагдана.

Сэтгэгдэл (4)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
  • 202.126.89.196
    2022/05/23

    ok

    Хариулах
  • 202.55.188.90
    2022/05/22

    Зөв санаа бна удаан хөөцөлдөж барицны төлөө зүтгэхгүй уран мэх уралдуулах юм бна

    Хариулах
  • 66.181.161.21
    2022/05/21

    Hzee ehleh we

    Хариулах
  • 66.181.161.122
    2022/05/20

    Vndesni uw soyloo Lig gej hogin nershiltei temtseene boilchih Lig geher chin uw soylin nershil aldagdaj bn durakuuda

    Хариулах
Сүүлд нэмэгдсэн мэдээ
17 цаг

“Эрдэнэс Тавантолгой” ХК болон БНХАУ-ын Норинко компани хамтын ажиллагааны санамж бичигт гарын үсэг зурлаа
20 цаг

Нийтийн албанд томилогдохоор нэр дэвшсэн 15885 нэр дэвшигчийн мэдүүлгийг хянав
21 цаг

"Эрдэнэс тавантолгой" ХК болон "Чайна энержи интернэйшнл девелопмент" ХХК хамтын ажиллагааны санамж бичиг байгууллаа
23 цаг

55 тооны бод мал хулгайлсан этгээдүүдийг илрүүллээ
23 цаг

"Эрдэнэс Тавантолгой" ХК-ийн Гүйцэтгэх захирал асан Н.Цэрэнсамбууг 30 хоногийн хугацаатай цагдан хорьжээ
23 цаг

Г.Дамдинням: Манай хүссэн хэмжээгээр биш ч боломжтой хэмжээгээр нийлүүлэлт хийж ирсэн ОХУ, ААН-үүдэд бид талархах учиртай
Өчигдөр

Өнөөдөр зүүн аймгуудын нутгаар хүйтэн байна