Б.Энхбаяр: Хөшигийн хөндийн 31 000 га газрын 12 000 нь Майдар хотын эзэмшил. Нөгөө нөхөр Х.Баттулга 1/3-ийг эзэмшдэг гэсэн үг

 УИХ-ын чуулганы өнөөдрийн хуралдаанаар  “Хөшигийн хөндийд эдийн засгийн чөлөөт бүс байгуулах тухай” Улсын Их Хурлын тогтоолын төслийг хэлэлцлээ. 

Энэ үеэр УИХ-ын гишүүн Б.Энхбаяр "Хөшигтийн хөндийд чөлөөт бүс байгуулахыг дэмжиж байгаа. Гэхдээ үүгээр дамжуулж хэн хулгай хийж гэж байгаа бол гэхээр нөгөө нөхөр л гараад ирж байна. Байнгын хорооны хуралдааны үеэр асуухад Хөшигийн хөндийн 31 000 га газрын 12 000 нь Майдар хотын эзэмшил. Нөгөө нөхөр Х.Баттулга 1/3-ийг эзэмшдэг. Хамгийн том хулгайг хуулиар хийдэг юм байна. Майдар гээд 10 жил нэг сураг үзүүлээд л явсан. Улс ч хот байгуулах гэж байгаа юм шиг хувь хүн хот байгуулах гээд байгаа юм шиг. Улс хийх нь гээд шийдвэ гарахаар нөгөө нөхөр дунд нь цохиж явдаг. Намайг дэд сайд байхад Майдар хотыг хятадуудаар бариулна гэж Засгийн газарт орж ирсэн. Тухайн үед би хууль зөрчинө гэж хэлж байсан. Дараа нь Майдарын газрын нөхөн олговорт улсын төсвөөс 50 тэрбум төгрөг гаргана гэж. Хувь хүн хот байгуулах гэж байхад мөнгийг татвар төлөгчдөөс гаргах гээд байгаа юм уу. Эргэлзээтэй олон асуулт байна. Тиймээс 31 000 га газрыг зураг дээр харуулж, ард түмэнд ойлгомжтой болгомоор байна. Майдарын 12 000 га газар нь яг хаана вэ? Дамбын Хишигээгийн 500 га газар аль нь болох, чөлөөт бүс байгуулах 1000 га газар хаана байхыг зураг дээр харуулмаар байна" гэлээ.