Н.Түвшинбаярыг үргэлжлүүлэн хорих эсэхийг өнөөдөр шийднэ

Найзыгаа зодож хүнд гэмтэл учруулан амь насыг нь хохироосон Олимпийн аварга Н.Түвшинбаярыг цагдан хорих хугацаа ирэх долоо хоногийн даваа гарагт дуусгавар болж байгаа аж. 

Н.Түвшинбаярыг цагдан хорих хугацааг хамгийн сүүлд өнгөрсөн хоёрдугаар сарын  11-нд нэг сарын хугацаагаар сунгах шийдвэрийг шүүхээс гаргасан.  Тэгвэл түүнийг үргэлжлүүлэн хорих эсэх асуудлыг өнөөдөр шийдэх юм. 

 Яллагдагч Н.Түвшинбаярт Эрүүгийн хуулийн тусгай ангийн 10.1 дүгээр зүйлийн хоёр дахь хэсгийн 2.1 дэх заалтад зааснаар “Хүнийг онц харгис хэрцгийгээр алсан“ гэж эрүүгийн хэрэг үүсгэж, мөрдөн байцаалтын ажиллагааг үргэлжлүүлэн явуулж байгаа  аж.