Арилжааны банкууд Хөгжлийн банкнаас жилийн 5 хувийн хүүтэй зээл авчихаад хэд нугалсан хүүгээр иргэд, ААН-үүдэд зээл олгодог уу?

Хөгжлийн банктай холбоотой дуулиан үргэлжилсээр байна. Өнгөрсөн долоо хоногт болсон "Өөрөөр нь төлүүлье” хэлэлцүүлгийн үеэр "Алтан Дорнод Монгол" ХХК-ийн Ерөнхий захирал Т.Ганболд "Улсын Дээд шүүх, АТГ, Прокурор тэр аяараа банкны эздийн гар хөл болчихсон. Бондын мөнгө Худалдаа хөгжлийн банк, Улаанбаатар банкинд байршсан. Хөгжлийн банкнаас 500 гаруй тэрбум төгрөг авчихсан байна. Шуудхан хэлэхэд МОНГОЛ БАНК бол Худалдаа хөгжлийн банк, Голомт банк хоёрын охин компанийн үүргийг гүйцэтгэдэг. Бүх төлөөллүүд нь тэнд суудаг. Дээр нь нэмэгдээд Хөгжлийн банкнаас 125 тэрбум төгрөгийг авсан ХААН банк Монгол Улсын эдийн засгийг жинхэнэ дампууралд оруулж байгаа. Бүх гадны бондууд дээр тоглодог. Үүн дээр бид ямар шийдэл гаргах ёстой юм бэ?" гэсэн мэдэгдэл нийгмийн сүлжэээнд дуулиан дэгдээв. 

Ийнхүү банкууд Хөгжлийн банкнаас жилийн 5 хувийн хүүтэй зээл авчихаад хэд нугалсан хүүгээр иргэд ААН-үүдэд зээл олгож байна уу? гэх асуудалд анхаарал хандуулах шаардлага үүсэж байна. Одоогоор уг асуудлаар Төв банк болон нэр дурьдагдсан арилжааны банкууд ямар нэг тайлбар өгөөгүй байгаа юм.