МАН: Хулгайлснаа буцаагаад өглөө гээд хариуцлагаас чөлөөлөгдөнө гэж байхгүй

УИХ-ын гишүүн Ч.Ундрам, Ц.Анандбазар нарын хамаарал бүхий компаниуд зээлээ төлж дуусгасан. Тэгвэл МАН-ын Хяналтын ерөнхий хорооны дарга Б.Баярбаатар "Хэрвээ хулгай хийсэн бол хулгайлснаа буцаагаад өглөө гээд хариуцлагаас чөлөөлөгдөнө гэж байхгүй. Хөгжлийн банкнаас зээл авахдаа зарчмаараа яваад авсан бол ёс зүйн талаасаа маш том ухамсар. Үнэхээр тэд ёс зүйн алдаа дутагдал гаргасан бол тэр хүний зээлээ төлсөн төлөөгүй байх нь хамаагүй. Ухамсрын асуудал, хариуцлагын асуудлыг ярих ёстой” гэсэн мэдээллийг хэвлэлд өгчээ.

Мөн энэ асуудалтай холбогдуулан МАН-ын   Ерөнхий нарийн бичгийн дарга Д.Амарбаясгалан "Манай нам улс төрийн хариуцлага хүлээлгэдэг болохыг зорьж байна. Улстөрч илтэд ёсзүйн зөрчил гаргасан тохиолдолд улс төрийн хариуцлага хүлээдэг болно. Мөн гэмт хэрэгт холбогдсон тохиолдолд эхлээд намын гишүүнчлэлээс түдгэлзүүлнэ. Хууль хяналтын байгууллагад шалгагдаж, гэмт буруутай нь нотлогдвол намаас гаргана. Гараад буцаж орох боломжгүй, насан туршдаа улс төрийн үйл ажиллагааны эрх нь хаагдана. Манай намаас дахиад сумын ИТХ-д ч нэр дэвшүүлэхгүй. Намаас дэмжлэг авч, улс төрийн албан тушаал хашихгүй" гэсэг юм