Ц.Мөнхцэцэг: Сургууль, дотуур байранд ариун цэврийн үнэгүй хэрэгсэл байрлуулах төсвийг батлах хэрэгтэй

УИХ-ын гишүүн Ц.Мөнхцэцэг охидод ариун цэврийн хэрэгслийг үнэ төлбөргүй олгох хэрэгтэй хэмээн нийгмийн сүлжээндээ бичсэн байна. 

Энэ талаар тэрбээр  "Ариун цэврийн хэрэгсэл авах боломжгүйгээс олон охид хичээл сургуульдаа явахгүйд хүрч байгаа нь  хүний эрхийн зөрчил гэж үзэж Шинэ Зеланд, Шотланд, Өмнөд Африк зэрэг дэлхийн 21 улс, бүс нутагт охидод ариун цэврийн хэрэгслийг үнэ төлбөргүй олгохоор хуульчилсан байдаг. Монгол Улс ч мөн ингэх нь зөв. Үүний тулд бид улс орнуудын жишгээр ариун цэврийн хэрэгслийг татвараас чөлөөлөх, буулгах арга хэмжээнээс эхлэн шат дараатай бодлого явуулья. Эхний ээлжид сургууль, дотуур байранд ариун цэврийн үнэгүй хэрэгсэл байрлуулах төсвийг батлах хэрэгтэй, та бүхэн дэмжээрэй. Дундаж болон дунджаас дээгүүр орлоготой айл өрхийн хүүхдүүдэд бол асуудалгүй. Харин дунджаас доогуур буюу ядуу хэмээх ангилалд ордог, дамск байтугай хүнсээ яая гэж байгаа хүн амын 30 хувийн өсвөр насны охидод бол үнэхээр хэцүү гэдэг нь тэр дотуур байрны охины жишээ харуулж байна" гэсэн байна.

Ариун цэврийн хэрэгсэл авах боломжгүйгээс олон охид хичээл сургуульдаа явахгүйд хүрч байгаа нь хүний эрхийн зөрчил гэж үзэж Шинэ Зеланд, Шотланд, ӨАБНУ зэрэг дэлхийн 21 улс, бүс нутагт охидод ариун цэврийн хэрэгслийг үнэ төлбөргүй олгохоор хуульчилсан бдаг. МУ-д бас ингэх нь зөв. https://t.co/qjU6eqgcdE