Засгийн газар: Сургууль, цэцэрлэгийн амралтыг 14 хоногоор хойшлуулах эсэх асуудлаар өнөөдөр шийдвэр гаргана

Засгийн газар өнөөдөр ээлжит хуралдаанаа хийж байна. Хуралдааны эхэнд цар тахлын цаг үеийн асуудлууд болон сургууль, цэцэрлэг орох хугацааг хойшлуулах асуудал хэлэлцэж, шийдвэр гаргах юм. 

Түүнчлэн цаг үеийн бусад 32 асуудал хэлэлцэж, шийдвэрлэх талаар албаны эх сурвалж мэдээллээ.

• Коронавируст халдвар цар тахлын нөхцөл байдал, авч хэрэгжүүлж байгаа шуурхай хариу арга хэмжээ,

• Монгол Улсын хилийн боомтын үйл ажиллагааг сайжруулж, экспорт, импортын барааны ачаа тээврийг эрчимжүүлэх ажлын явц,

• Монгол Улсын Хөгжлийн банкнаас олгосон зээлийн талаар,

• Алтны төслүүдийг эрчимжүүлэх талаар,

• Тавантолгойн нүүрс баяжуулах үйлдвэрийн бүтээн байгуулалтын талаар зэрэг 30 гаруй асуудлаар хэлэлцэж, танилцахаар төлөвлөөд байна. Хуралдаанаас гарсан шийдвэрүүдийн талаар мэдээлэл өгөх болно.