Нийслэлийн худалдан авах ажиллагаа газрын дарга С.Оюунцэцэг хууль бусаар томилогдсон уу?

Moderator

2021/12/24

Нийслэлийн Засаг даргын тамгын газарт хууль бус томилгоороо гаршсан нэгний тухай шүүмжлэл газар аваад байна. Энэ бол НХААГ-ын даргын үүрэг гүйцэтгэгч Г.Энхтайван юм. Тэрбээр Нийслэлийн худалдан авах ажиллагааны газраар тоголж байгаа гэх.

Тодруулбал, ИТХ-ын МАН-ын бүлгийн дарга Р.Дагвын хүү Дөлгөөнийг Нийслэлийн худалдан авах ажиллагааны газрын Захиргаа, санхүүгийн хэлтсийн даргаар хууль бусаар томилсныг өнгөрсөн аравдугаар сард хүчингүй болгосон. Р.Дагвын хүү энэ оны гуравдугаар сард томилогдсон ч ийнхүү ДОЛООН сарын дараа төрийн албаны шалгалт өгөөгүй, ажилласан жилийн болзол, шаардлага хангаагүй учир албан тушаалаа хүлээлгэн өгсөн.

Тэгвэл түүний оронд томилогдсон хүн мөн л хуулийн шаардлага хангахгүй байгаа талаар эх сурвалж мэдээллээ.

Төрийн албаны зөвлөл энэ оны гуравдугаар сарын гуравны өдөр Д.Дөлгөөнийг хууль бусаар томилсон тушаалыг хүчингүй болгосон ч түүний оронд мөн л хууль бусаар С.Оюунцэцэг гэх хүнийг томилсон байх юм. Гэвч С.Оюунцэцэг нь тус газарт ахлах мэргэжилтэн хийж байсан ч дээрх албанд томилогдоход мэргэжил таарахгүй байгаа аж.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Сүүлд нэмэгдсэн мэдээ