Н.Түвшинбаярын шүүх хурал хоёр талын хүсэлтээр хэвлэлийнхэнд хаалттай болно

Moderator

2021/12/23

Олимпын аварга, Хөдөлмөрийн баатар Н.Түвшинбаярт холбогдох хэргийг Хан-Уул дүүргийн прокурорын газраас хянаад, 2021 оны арванхоёрдугаар сарын 01-ний өдөр тус дүүргийн Эрүүгийн хэргийн анхан шатны шүүхэд шилжүүлэх саналыг хүргүүлээд буй.

Хан-Уул дүүргийн Эрүүгийн хэргийн анхан шатны шүүхэд өнөөдөр 14:00 цагт Н.Түвшинбаярт холбогдох хэргийг шүүхэд шилжүүлэх эсэхийг шийдвэрлэх урьдчилсан хэлэлцүүлгийн шүүх хуралдаан болно.

Н.Түвшинбаярт прокурорын байгууллагаас Эрүүгийн хуулийн тусгай ангийн 11.1 дүгээр зүйлийн 2 дахь хэсгийн 2.1-т зааснаар яллах дүгнэлт үйлдсэн.

Уг шүүх хурал хэвлэлийнхэнд хаалттай байдлаар явагдахаар болсон байна. Тодруулбал, Шүүхээс хохирогчийн өмгөөлөгч О.Санчирбал, ОДаваажаргал, яллагдагчийн өмгөөлөгч Л.Данзанноров нараас гаргасан саналыг хүндэтгэн урьдчилсан хэлэлцүүлгийн шүүх хуралд хэвлэл мэдээллийнхнийг оролцуулахгүй байхаар шийдвэрлэсэн байна.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Сүүлд нэмэгдсэн мэдээ