13 настай охины асуудалтай холбогдуулан ЭЛЧИН САЙД, КОНСУЛ хоёрыг эргүүлэн татна

Moderator

2021/12/13

Солонгос сурагч охид Монгол охины гар хөлийг хүлж, зургаан цагийн турш доромжилж, зодож тамласан...энэ хэрэг гараад ТАВАН сарын нүүрийг үзсэн. Гэвч энэ хэрэг тус улсын телевизээр гарах хүртэл БНСУ-д суугаа Элчин сайдын яам мэдээгүй байсан нь олон нийтийн шүүмжлэлийг дагуулсан. Нэг үгээр тус улсад суугаа Элчин сайдын яамныхан үүргээ гүйцэтгэж чадаагүй.

Тэгвэл Гадаад харилцааны сайд Б.Батцэцэг Монгол Улсаас БНСУ-д суух Элчин сайд Н.Эрдэнэтуяа болон Пусан хотод суугаа Консул Ц.Өнөрзаяа нарт хариуцлага тооцон эгүүлэн татах шийдвэр гаргасан байна.

Тэднийг БНСУ-д суралцдаг охиныг сургуулийнх нь хүүхдүүд ялгаварлан гадуурхаж, дээрэлхсэн хэргийг мэдээгүй болон бас бус шалтгаанаар хариуцлага тооцон эгүүлэн татах шийдвэр гаргасан байна.

Эх сурвалжийн мэдээллээр Гадаад харилцааны яамнаас Монгол Улсаас БНСУ-д суугаа Элчин сайд Н.Эрдэнэтуяаг эгүүлэн татах саналыг Монгол Улсын Ерөнхийлөгч У.Хүрэлсүхэд өнгөрсөн баасан гаригт хүргүүлжээ.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Сүүлд нэмэгдсэн мэдээ