Н.Баярмөнх: Богд уул, мод, Туул голын хөвөөгөө байгалиар нь авч үлдмээр байна

Баянзүрх дүүргийн засаг дарга Н.Баярмөнх Богд уул, Туул голын талаар өөрийн байр сууриа илэрхийллээ.

Тэрээр “Хэд хэдэн зүйлийг авч үзмээр байна. Богд уул уул чигээрээ байгаасай гэж хүсэж байна. Уул болон модоо битгий дайрч устгаач ээ. Хэдэн жилийн дараа бидний үр хүүхдэд зугаалж салхилдаг модтой,устай  уул байгаасай. Туул голын айл сав газар, Улиастайн ам, Сэлбийн гол зэрэг голуудыг хайрлаж хамгаалах чин хүсэлтэй учир аль болох хамгаалах үүднээс аж ахуйн нэгж байгууллагуудтай уулзалт хийх гэж байна. Юу хэлэх гээд байна гэхээр одоо барьчихсан байгаа барилгууд хангалттай нэмж барилга барих хэрэггүй. Эс тэгвээс хэдэн жилийн дараа уул үгүй болно. Иргэдэд юугаар ч нөхөж баршгүй хохирол учирч ямар ч их хэмжээний мөнгөөр энэ уул, гол усыг сэргээж барих боломжгүй. Байгаль дэлхийдээ бүү халдаач хэмээн уулзалт зохиогоод дөрөв дэх өдрөө болж байна” хэмээлээ.