Ерөнхий сайд аа, та Ц.Ананбазараас хэдэн метр квадрат талбай авахаар тохирсон бэ?

Хэдэн он дамжин иргэд ААН хоёрын хооронд маргаан дагуулж буй асуудал бол нийслэлийн Баянзүрх дүүрэгт байрлах Жуковын хөшөөний арын газар. Өнгөрсөн зун Засгийн газраас газар эзэмших эрхийг нь цуцалж нийтийн эдэлбэр газар болгох шийдвэр гарсан. 

Гэвч яг одоогоор тус газарт барилгын ажиллаж үргэлжлэн явагдаж байна. Үүнийг эсэргүүцсэн иргэд Мэргэжлийн хяналт, цагдаа, хэвлэл мэдээлэл гээд хөл хүрэх газар бүртээ хандсан ч тусыг олсонгүй.

Бүр тодруулбал Засгийн газар ийнхүү ганцхан ААН-ын өмнө хүчин мөхөсдөж буй үйл явц үргэлжилж байна. Тэгвэл өчигдөр төрийн шийдвэрийг үл тоон, барилгын ажил үргэлжилж байгаа газар дээрээс дуучин НАРА шууд лайв хийж, олон нийтийг орой дээр нь гаргасан баримт дэлгэв. Тодруулбал, уг барилгын ажлыг эхлүүлэхэд хүчтэй эсэргүүцэж байсан "Саран ээж" гэх холбоо тус барилгыг баригдаж дууссаны дараа 800 метр квадрат талбай авахаар тохироо хийжээ. Ингэж тэд амаа таглуулсан гэсэн үг. Ардын жүжигчин Н.Сувд тэргүүтэй хүмүүс тус хэсэгт барилга баригдаж дууссаны дараа талбай авахаар тохирсоныг дуучин НАРА олон нийтэд дэлгэлээ. 

Тэгвэл яг үүн шиг гаргасан шийдвэртэй хяналт тавихгүй байгаа Ерөнхий сайд таныг ч бас нийгэм хардаж байна. Монгол Улсын Засгийн газрын хуралдаанаар хэлэлцэн гаргасан шийдвэрийг нь үл тоож барилгын ажил эхэлчихсэн яваа энэ үед ЕРӨНХИЙ САЙД ТА ганц үг ган хийхгүй байгаа учир юу вэ?  Олон эх сурвалжууд уг газрыг УИХ-ын гишүүн Ц.Анандбазарын мэдэлд байдаг гэдгийг хэлдэг. Иймээс Ерөнхий сайд таныг газар эзэмшиж байгаа гишүүн Ц.Анандбазартай нууц тохиролцоо хийв үү гэх хардлага нийгмийн сүлжээнд өндрөө аваад байгаад та тайлбар өгөх хэрэгтэй биз ээ!!!